Нурлатри тӗп библиотека çын çӳрекен чи паллă вырăн пулса тăнă
Кӗнеке вулас хăнăху çемьере йӗркеленет. «Пӗр вăхăт библиотека шăп тăчӗ темелле. Шăпах тӗрлӗ гаджетсемпе массăлла усă курма пуçланă тапхăрта. Халӗ вӗсене хăнăхнă ӗнтӗ, çӗнӗрен кӗнекепе интересленме пуçларăмăр. Ӗненме йывăртарах пулӗ те, çулла библиотека хулипе те çын çӳрекен чи паллă вырăн пулса тăчӗ. Ку ачасене каникула нумай вулама панипе те çыхăннă-ха. Çапах аслисем те йышлăн çӳрерӗç», – терӗ библиотека директорӗ Роза Липатова.
