News by tag - юбилей

• 25 августа 2023

  Зоя Демьяновна КРАЙНОВА 85 çул тултарчĕ

  Аксу районӗнчи Кӳшӳ ялӗнче пурăнакан Зоя Демьяновна КРАЙНОВА августăн 25-мӗшӗнче 85 çул тултарать. Юратнă анне, асанне, кукамай! Сана юбилей ячӗпе саламлатпăр! Паян сан куну, паян сана чи лайăххине сунатпăр! Чи малтан сывлăх – унсăр нимӗнле телей те çук, вӗçӗ-хӗррисӗр телей. Сана чи çывăх çыннусем сырса илччӗр. Çӗнӗ куншăн яланах хаваслан, иртнӗ куншăн нихăçан та ан ӳкӗн.

  
• 18 августа 2023

  АННА МАРКОВĂНА ЮБИЛЕЙ ЯЧĔПЕ

  Аксу районӗнчи Унтакшă ялӗнче пурăнакан Анна Васильевна МАРКОВА августăн 18-мӗшӗнче 45 çул тултарать. Хаклă та юратнă кине, мăшăра, аннене, инкене, хӗре, аккана юбилей ячӗпе саламлатпăр! Чи кирли çирӗп сывлăх, тапса тăракан вăй-хал, тулли телей, ăнăçу сунатпăр. Утас çулу такăр пултăр, сӗтелӳ çăкăр-тăвартан, кӗрекӳ çывăх çыннусенчен ан татăлтăр. Мӗн шухăшлани пурнăçланса пытăр.

  
• 10 августа 2023

  Ольга Александровна ЕЛЕНДЕЕВА августăн 10-мӗшӗнче 50 çул тултарчĕ

  Аксу районӗнчи Хӗрлӗ Шур ялӗнче пурăнакан Ольга Александровна ЕЛЕНДЕЕВА августăн 10-мӗшӗнче 50 çул тултарать.

  
• 04 августа 2023

  Зоя Александровна КИРИЛЛОВА — 85 çулта!

  Юратнă аннене, кукамая, Пăва районне кӗрекен Кивӗ Мертлӗ ялӗнче çуралса ӳснӗ, халӗ Ульяновск облаçӗнчи Семеновка ялӗнче пурăнакан Зоя Александровна КИРИЛЛОВĂНА 85 çул тултарнă ятпа чӗререн саламлатпăр!

  
• 04 августа 2023

  Ухтияр Тудиярович ИЛЮХИН 75 çул тултарчĕ

  Азнакай хулинче пурăнакан хаклă çыннăмăр, «Сувар» хаçатăн штатра тăман хастар авторӗ Ухтияр Тудиярович ИЛЮХИН августăн 1-мӗшӗнче 75 çул тултарчӗ.

  
• 28 мая 2023

  56 çул тăван хуçалăхра тăрăшнă

  Çӗпрел районӗнчи Çӗнӗ Йӗлмелӗнче пурăнакан Николай Петрович Герасимов çак уйăхра 75 çулхи юбилейне паллă турӗ. Ялти хисеплӗ çын 56 çул ытла тăван хуçалăхра механизатор пулса ӗçленӗ. Чи малтанах вăл Александр Карсаков тракторӗ çинче пулăшуçă пулса ӗçе кӳлӗннӗ. Хисеплӗ тракторист çамрăк ачана хăйӗн опытне панă.

  
• 28 мая 2023

  Çӗнӗ Йӗлмел шкулӗ 160 çулта

  Çӗпрел районӗнчи Çӗнӗ Йӗлмел шкулӗ акă ӗнтӗ 160 çул ачасемпе вӗрентекенсене кунсерен кӗтсе илсе ăсатса ярать. Владимир Александрович Мискин ертсе пыракан шкулта халӗ 63 ача вӗренет, педагогсен шучӗ 17. Паянхи вӗрентекенсем маларах ӗçленисен ырă йăлисене малалла тăсаççӗ: ачасене чунтан юратаççӗ, вӗсен пултарулăхне тӗрлӗ енлӗн аталантарас тесе тăрăшаççӗ, тарăн пӗлӳ параççӗ, çӗнӗ методикăсемпе усă кураççӗ. 10 çул ӗнтӗ шкул çуртӗнче ача сачӗпе библиотека ӗçлеççӗ. Иртнӗ эрнере шкулăн 160 çулхи юбилейне анлăн паллă турӗç.

  
• 11 февраля 2023

  ВĂРĂМ ӖМӖРӖН ВĂРТТĂНЛĂХӖ – ЫРĂ КĂМĂЛТА

  Çӗмӗртлӗ ялӗнче пурăнакан Алексей Мельников 90 çул тултарчӗ

  
• 28 января 2023

  САДОВНИКОВ ХУТЬ ХĂШ ХАЛĂХĂН КОНЦЕРТНЕ ИЛЕМ КӲРЕТ

  Тутарстанри чăваш композиторсенчен пӗри çак кунсенче 70 çул тултарчӗ

  
• 10 декабря 2022

  Паян Чăваш наци конгресӗн юбилей

  30 çул каялла – 1992 çулхи октябрӗн 8-9-мӗшӗсенче – Чăваш наци конгресӗ йӗркеленсе кайнă. Вăл чăваш тӗнчишӗн питӗ те пӗлтерӗшлӗ пулăм шутланать. Чӑваш Республикин Аслӑ Канашӗн йышӑнӑвӗпе килӗшӳллӗн Шупашкарта иртнӗ Пӗрремӗш Аслă Пухура чăвашлăхшăн çунакан активистсем наци конгресне туса хураççӗ. Аслă Пуху ЧНКан право статусне тата унӑн идеологине палӑртакан докуменчӗсене йышӑннă, Мăн Канаш тата çӗнӗ организацин президентне суйланă. Атнер Петрович Хусанкайăн ячӗпе пуçланать наци пӗрлешӗвӗн историйӗ. Вăл 1992 – 1997 çулсенче регионсен хушшинчи общество пӗрлешӗвӗн ӗçне йӗркелесе пынă. ЧНК иккӗмӗш президенчӗ Геннадий Николаевич Архипов 1997 – 2013 çулсенче ӗçленӗ. Виççӗмӗш президенчӗ Николай Федорович Угаслов конгресс ӗçӗсене сакăр çул ытла пурнăçласа пычӗ. 2021 çулхи октябрӗн 23-мӗшӗнче Чӑваш наци конгресӗн ХI отчетпа суйлавăн Аслă Пухăвӗ иртрӗ. Çак пухура ЧНК президенчӗ пулма пӗр саслăн пулса Валерий Леонидович Клементьева суйларӗç.

  
• 09 декабря 2022

  Ӗнер Ульяновск облаçӗнчи Чăваш наципе культура автономийӗ йӗркеленнӗренпе 25 çул çитнине палăртнă

  25 çул каялла 2 тытăм – Ульяновск облаçӗнчи чăвашсен И.Я.Яковлев ячӗллӗ культурăпа çутӗç обществи тата «Еткер» ыркăмăллăх фончӗн делегачӗсен пуçарăвӗпе регионти чăвашсен наципе культура автономийӗ йӗркеленнӗ.

  
• 13 ноября 2022

  Марье аккан ывăлӗсем тутарла та, чăвашла та пӗр пекех аван калаçаççӗ

  – Ун чухне ӗç çыннине кашнине хаклатчӗç – чыслă ятсем, орден-медаль, кашни уявра тенӗ пек парне паратчӗç (утиял, простынь тата ытти те). «Çӗнӗ çул» ятлă район хаçатӗнче те яланах çырса тăратчӗç пирӗн çитӗнӳсем çинчен, Хусантан та журналистсем килкелетчӗç. Район тата колхоз пуçлăхӗсем мана Социализмла Ӗç Геройӗ ятне пама та шут тытнă иккен, çак тӗллевпе документсем хатӗрлеме пуçларӗç ӗнтӗ, мана кантура чӗнтерсе анкетăсем çыртарчӗç. Анчах 1968 çулхи февральте ман пӗрремӗш ача çуралчӗ, эп декрета кайрăм. Ун хыççăн вара ку пуçару путланчӗ, – каласа парать Мария Сергеевна.

  
• 24 июля 2022

  Серте Мишши: «Сăвă вуласан кашнин чӗринче юрату туйăмӗ çуралтăр»

  Михаил Андреевич Сугалов (Серте Мишши) Теччӗ районӗнчи Кăнна Кушки ялӗнче 1947 çулхи утă уйăхӗн 12-мӗшӗнче çуралнă. Иван Яковлев кун çути курнă ялăн сиплӗ сывлăшӗпе сывласа çитӗннӗ каччă вăтам шкул пӗтерсен çарта пулнă. Пурнăçне шкулпа тата пӳрт-çурт юсас-хăпартас ӗçпе çыхăнтарнă. Иртнӗ ӗмӗрӗн 90-мӗш çулӗсенче çыру ӗçне кӳлӗннӗ. 1998 çулта Ульяновскри патшалăх педагогика университетӗнчен вӗренсе тухнă. Историк. 1997 çултанпа – РФ Писательсен тата ЧР Профессилле писательсен союзӗсен пайташӗ. Паяна унăн пилӗк сăвă кӗнеки кун çути курнă. Ульяновск облаçӗнчи çыравçăсен «Шевле» литература пӗрлешӗвӗн хастарӗ. Çак кунсенче 75 çул тултарнă ентешӗмӗрпе юбилей умӗн курса калаçрăмăр.

  
• 17 апреля 2022

  Николай Хрисанов хутшăнмасăр Çӗпрел тăрăхӗнче пӗр спорт мероприятийӗ те иртмест

  Николай Иванович тăрăшнипе çав çулсенче физкультурăпа тата спортпа туслашакан çынсен шучӗ районта самай ӳснӗ. Республика шайӗнчи ăмăртусене тăтăш хутшăнса çӗпрелсем ун чух çăмăл атлетика, йӗлтӗрпе чупас тата многоборье енӗпе 35-мӗш вырăнтан 3-мӗшне хăпарма пултарнă.

  
• 05 февраля 2022

  Петр Дементьев – Пăва уесӗнче ӳснӗ министр

  1953 çулта П.В.Дементьева СССР авиаци промышленноçӗн министрӗ пулма çирӗплетеççӗ. Çак яваплă должноçра вăл 1977 çулччен – хăй виличчен ӗçленӗ. «Петр Великий» çирӗп характерлă пулнă, тӗрӗслӗхе юратнă. Вăл хăйӗн отрасльне çав тери лайăх пӗлнӗ, çакна тӗрлӗ заводсенче тăрăшакан нумай рабочие ятранах пӗлни те çирӗплетет. Çав вăхăтра пурăннă çынсем каланă тăрăх, Петр Васильевич кăкăрӗ çинче нихăçан та наградисене çакса çӳремен. Унăн нимӗнле хурал та пулман, йывăр ӗç кунӗ хыççăн каçсерен вăл урамра пӗчченех уçăлса çӳреме юратнă – çапла чунне лăплантарнă. Министрăн юратнă каларăшӗсенчен пӗри çакă пулнă: «Требуй от жизни невозможного – и получишь максимум».