Аслă Ăнăра – «Мăнастир»

Театр çулталăкне халалласа Теччӗ районӗнче февралӗн 1-мӗшӗнчен пуçласа апрелӗн 30-мӗшӗччен театр фестивалӗ иртет.Унпа килӗшӳллӗн, апрелӗн 5-мӗшӗнче Аслă Ăнă çыннисем те Культура çуртӗнче спектакль лартрӗç. Н.Терентьевăн «Мăнастир» камичӗ пулчӗ вăл. Рольсене вырăнти артистсем (Зинăна – ялти почта уйрăмӗн ертӳçи Вера Чайкина, Ваççана – вахта мелӗпе ӗçе çӳрекен Евгений Чайкин, Трифон Гавриловича – ялти шкулăн истори учителӗ Сергей Катмаков, Агафья Тихоновнăна – ял библиотекарӗ Елена Погодина, Юльăна – Теччӗри интернатăн бухгалтерӗ Наталья Лашманова, Таньăна  – ялти Культура çурчӗн директорӗ Елена Савелькина, вахтера – шкулта 8-мӗш класра вӗренекен Лиза Савелькина) питӗ лайăх калăпланипе спектакль тăршшӗпех зал алă çупма, ахăлтатса кулма чарăнмарӗ. (Е.САВЕЛЬКИНА. Автор сăнӳкерчӗкӗсем).