Чӑвашсен тӗп мӑчавӑрне пачӑшкӑ кӗллипе юлашки ҫула ӑсатнӑ
Микихвер Наумов ҫемйипе, тӑванӗсемпе пӗрле хурланатпӑр
Ҫак кунсенче Шупашкартан пысӑк хуралӑхлӑ хыпар ҫитрӗ – Чӑваш халӑхӗн Аслӑ Пухӑвӗсене пил паракан мӑчавӑр Никифор Наумов вилсе кайнӑ. Ҫулӗсем те пур ӗнтӗ аслӑ ҫыннӑмӑрӑн, мӗн тӑвӑн, пурнӑҫ. Микихвер пичче чӑваш халӑхӗн авалхи тӗнӗпе пурӑнатчӗ, йӑлисене ҫирӗп тытса пыратчӗ.
Унпа сывпуллашма кайнӑ Чӑваш Наци Конгресӗн хастарӗсем тупӑк умӗнче чиркӳ ӗҫченӗ панихида ирттернине курсан, питӗ тӗлӗннӗ. Шупашкарти чӑвашсен чи аслӑ мӑчавӑрне апла майпа ӑсатни хӑшӗсене тарӑхтарнӑ та пулмалла. Социаллӑ сетьсенче шавлакалакансем пулчӗҫ.
Пӗр енчен вӗсене ӑнланма пулать, вилнӗ ҫынна хисеплеменни пек йышӑнма пулать ҫакна. Тепӗр енчен авалхи тӗнпе пурӑнакансене пытарма Шупашкарта тӗне кӗмен чӑвашсен маҫтӑрӗ ҫук, вӗсене пурне те вилсен хӗрес айне чикеҫҫӗ.
Чӑвашсен авалхи тӗнӗшӗн ҫунса тӑракан общественниксен тен, ҫак ыйтӑва ҫӗклемелле?
Ҫӗнӗ Шупашкарти "Грани" хаҫатӑн тата Тимӗр Тяпкинӑн сӑнӳкерчӗксем
Следите за самым важным и интересным в Telegram-канале Татмедиа
