Хамăр хаçатăн парни уйрăмах хаклă

«Сувар» хаçатăн хавхалантару акцине хутшăнса çӗнтерӳçӗ пулса тăнă çынсем парнисене илме пуçларӗç. Çапла иртнӗ эрнере Пăва районӗнчи Хирти Кушкăри Кириллов Владимир тата Пӳркелӗнчи Елена Хирдина редакцине ярса панă квитанцисем тăрăх тухнă парнисене илчӗç.
Анчах çулла вăхăтӗнче икӗ çынни те килӗсенче пулмарӗç, шел пулин те.

Владимир Кириллова тивекен утюгне эпир кинне патăмăр. Елена Хирдинан кӗнекине те ывăлне Евгение пама тиврӗ.
«Анне питӗ вулама юратать, ку кӗнекене те ак, киле килсенех пуçлать пуль ӗнтӗ», – тет ывăлӗ хаçат парнишӗн хӗпӗртесе.
Вулакансене аса илтерес килет, «Суварăн» 33-мӗш номерӗнче çӗнтерекенсен списокне çырнă. Камăн май пур, парнисене хăвăр е тăван-пӗлӗшӗрсем урлă редакцине пырса илме тăрăшăр.