Хула ҫывӑхӗнчи ялсенче ӗҫ вырӑнӗсем тумалла

Ӗнерхи тӳрӗ эфир пынӑ хушӑра Тутарстан Президенчӗ Хусан ҫывӑхӗнчи Царево усадьбин, Светлый ҪК, Куюки ялӗн, Салмычи поселокӗн тата ыттисен проблемине хускатнӑ.
Рустам Минниханов палӑртнӑ тӑрӑх, ҫак ялсене инфраструктурӑпа тивӗҫтересси – паянхи чи пӗлтерӗшлӗ задачӑсенчен пӗри пулнине палӑртнӑ.
2020 ҫулхи августӑн 31-мӗшӗнче Пестрецы районӗнче пулнӑ чухне Тутарстан Республикин Президенчӗ ТР Вӗрентӳпе наука, Строительство министерствисене район ӗҫтӑвкомӗпе пӗрле Куюки ялӗнчи шкул ҫулӗнчи ачасен шутне анализлаза унта мӗнлерех шкул тумалли пирки сӗнӳсем пама хушнӑ.
Ҫавӑнпа пӗрлех Тутарстан Президенчӗ хула ҫумӗнчи ялсен проблемисене комплекслӑ татса памаллине палӑртнӑ.
Ача сачӗсем, шкулсем, поликлиникӑсем тунипе, гаҫ, ҫутӑ, ӑшӑ кӗртнипе пӗрле районсенче ӗҫ вырӑнӗсем те тумалла.
Тутарстан Президенчӗ палӑртнӑ тӑрӑх, районсенче ӗҫ ҫуккипе хула ҫумӗнче пурӑнакансен паян Хусана ӗҫлеме ҫӳреме тивет. Рустам Минниханов шучӗпе ҫак территорисем граждансене илӗртекен вырӑнсем пулса тӑмалла. Ҫак ыйтӑва татса пама граждансене ӗҫпе тивӗҫтерекен индустриаллӑ технопарксем  туни пулӑшмалла.