Рустам Минниханов депутатсене республикӑн ӗҫӗ-хӗлӗ ҫинчен каласа парать

Хальхи вӑхӑтра Хусанта ТР Патшалӑх Канашӗн тӳрех икӗ ларӑвӗ иртет.
14-мӗш ларура Тутарстан Президенчӗ депутатсем умне ҫулталӑк Посланийӗпе тухать. "Вӑл республикӑн шалти тата тулашри лару-тӑрӑвӗ ҫинчен каласа парӗ',– тенӗ Патшалӑх Канашӗн секретарӗ Лилия Маврина.
Каярах Патшалӑх Канашӗн 15-мӗш ларӑвӗ пулать. Унӑн повесткине 16 ыйту кӗртнӗ. Ҫак канашлурах депутатсем Конституци сучӗн тӳрисене тата ачасен прависемпе ӗҫлекен уполномоченнӑя суйламалла.