News by date 21 February 2021

• 21 февраля 2021

  Рустам Минниханов Тутарстанра пурăнакансене Халăхсен хушшинчи тăван чӗлхе кунӗпе саламланă

  «Республикăра кăçал Тăван чӗлхесемпе халăхсен пӗрлӗхӗн çулталăкне ирттерни чӗлхесемпе культурăсене сыхлассинче çӗнӗ шая çӗкленме пулăшӗ тесе шутлатпăр. Пӗрле Тутарстанра пурăнакан халăхсен чи çивӗч ыйтăвӗсене татса пама май килӗ тесе шутлатăп», – тенӗ республика ертӳçи.

  
• 21 февраля 2021

  Пухтел йӗлтӗрçисене сивӗ хăратаймарӗ

  Йӗлтӗр спортне кăмăллакансен савăнăçлă уявӗ – «Раççей йӗлтӗр йӗрӗ» – чи анлă сарăлнисенчен пӗри. Пирӗн районта ку ăмăрту çулран çул вăй илсе пырать. Юлашки вăхăтра ăна Теччӗре çеç мар, кашни ялтах ирттересси йăлана кӗнӗ. Кăçал ăмăрту Пухтел ялӗнче те иртрӗ.

  
• 21 февраля 2021

  Александр Шуркина халалланă турнир 21-мӗш хут иртрӗ

  Çӗпрел районӗнчи Çӗнӗ Йӗлмел шкулӗнче хамăр ентеше, 1999 çулта тăван çӗршыв умӗнчи тивӗçе пурнăçланă чух Чечня çӗрӗнче пуç хунă Александр Шуркина халалланă ирӗклӗ кӗрешӳ турнирӗ иртрӗ. Йăлана кӗнӗ турнир кăçал 21-мӗш хут пулчӗ.

  
• 21 февраля 2021

  Тăван чӗлхесен çулталăкне Çӗпрелӗнче энциклопеди хăтлавӗпе уçрӗç

  Иртнӗ çулта йӗркеленнӗренпе 90 çул çитнине Çӗпрел районӗ  коронавируса пула уявлаймарӗ. Мероприятисем онлайн-форматпа иртнӗччӗ. Район пуçлăхӗ ун чухне юбилейлă мероприяти пурпӗр иртессине, ăна вăхăтлăха куçарнине каланăччӗ. Кӗтнӗ кун февралӗн 13-мӗшӗнче пулчӗ. Çак кун Çӗпрелӗнче районăн 90 çулне тата Çӗпрел энциклопедин хăтлавне анлăн палăртрӗ

  
• 21 февраля 2021

  Тӑван чӗлхе кунӗпе!

  Паян – Пĕтĕм тĕнчери тӑван чĕлхе кунĕ.  Ҫак куна 1999 ҫулхи чӳк уйӑхӗнче ЮНЕСКОн Генеральнӑй конференцийӗн 30-мӗш сессийӗнче палӑртма йышӑннӑ, чӗлхесен тата культурӑсен пуянлӑхне упраса хӑварас тата аталантарас тĕллевпе 2000-мĕш ҫултан уявлаҫҫĕ.  Тӑван чӗлхе кунне нарӑсӑн 21-мӗшӗнче палӑртни Бангладеш тӗп хулинче, Даккере, 1952 ҫулта тӑван чӗлхене хӳтӗлеме, хӑйсен чӗлхине ҫӗр-шывӑн патшалӑх чӗлхисенчен пӗри тесе йышӑнма ыйтса демонстрацие тухнӑ студентсене полицейскисем персе вӗлернине асра тытнипе ҫыхӑннӑ.