«Снежный десант» акци вӗçленчӗ
Хусанти «Сайдаш» Культура центрӗнче Пӗтӗм Раççейри «Снежный десант РСО. Десант Победы» патриотла акци вӗçленнипе республикăри студотрядсен ӗçне пӗтӗмлетнӗ. Студотрядсене кӗрекен 450 ытла çамрăк республикăн 17 районне çитсе пенсионерсене пулăшнă тата шкул ачисене профориентациленӗ. Акци «Çамрăксемпе ачасем» наци проекчӗн тӗллевӗсене тивӗçтерет.
«Снежный десант РСО. Десант Победы» йăлана кӗнӗ мероприяти кăна мар, патриотизма пурнăçа кӗртекен акци. Вăл 2025 çулта çӗршывра тата республикăра Тăван çӗршыв хӳтӗлевçин çулталăкӗ пулнăран уйрăмах пӗлтерӗшлӗ. Аттесемпе асатте-кукаçейсен паттăрлăхӗ – пирӗншӗн тӗслӗх, çамрăксемшӗн тӗрӗс ориентир», – пӗлтернӗ ТР çамрăксен ӗçӗсен министрӗн çумӗ Софья Галиева-Мустафина.
Акцие хутшăнакансем Тăван çӗршывăн Аслă вăрçин ветеранӗсене, тыл ӗçченӗсене, ятарлă çар операцине хутшăнакансен çемйисене адреслă пулăшу панă. Çамрăксем çурт таврашӗнчи территорисене юртан тасатнă, çурт-йӗре юсама тата тирпейлеме, лавккаран апат-çимӗç илсе килме, вутă хатӗрлеме пулăшнă.
Аслă классенче вӗренекенсемпе профориентаци занятийӗсем ирттернӗ. Кӗçӗн классене çӳрекенсем валли мастер-классем йӗркеленӗ, гуманитари пулăшăвӗпе ăсатма алăпа тунă япаласемпе ӳкерчӗксем хатӗрленӗ. Унсăр пуçне вăтам професси пӗлӗвӗ паракан шкулсемпе вӗренӳ организацийӗсенче патриотла воспитани парас тӗллевпе лекцисем вуланă тата сывă пурнăç йӗркине сарас тесе спорт ăмăртăвӗсемпе куçăмлă вăйăсем ирттернӗ.
Майăн 1-мӗшӗнчен пуçласа 31-мӗшӗччен «Майский десант» акци иртет, унта 100 ытла студент хутшăнать. Вӗсем ветерансене пулăшӗç, палăксене тирпейлӗç, шкул ачисем валли мероприятисем ирттерӗç.
ТР студотрядсен пресс-службин сăнӳкерчӗкӗсем.
Следите за самым важным и интересным в Telegram-каналеТатмедиа
Нет комментариев