News by author - Оксана Бердникова
-
Çамрăк вӗрентекенсене пулăшмалли мерăсене анлăлатнă
Кăçал Хусанти шкулсемпе ытти вӗренӳ учрежденийӗсене 460 çамрăк педагог ӗçлеме килнӗ, унчченхинчен 81 çын нумайрах. Халӗ хулари вӗрентӳ тытăмӗнче 35 çула çитмен 1209 специалист ӗçлет. Кун пирки ТР Вӗрентӳпе наука министерствин пресс-служби пӗлтерет.
-
Шупашкарта «Çӗрулми-2026» регионсен хушшинчи курав пулать
Мартăн 4-5-мӗшӗсенче Шупашкарта йăлана кӗнӗ çӗрулми куравӗ иртет. Унта Раççейӗн 17 регионӗнчен 80 яхӑн компани хутшăнать.
-
Тутарстанра 12 пин çын гриппа тата ОРВИпе чирленӗ
Республикăра ОРВИ тата грипп сезонӗ малалла пырать. Февралӗн пӗрремӗш эрнинче 12 146 çын гриппа тата ОРВИпе чирленӗ. Кун пирки Роспотребнадзорăн Тутарстанри Управленийӗн пресс-служби пӗлтерет.
-
Икӗ миллион тенке яхăн çухатнă
Февралӗн 2-мӗшӗнче каçхине Пӗкӗлмери 78 çулти хӗрарăм патне пенси фончӗн ӗçченӗ тесе палламан арçын шăнкăравланă. Вăл ӗç стажӗн икӗ çулне шута илменни çинчен пӗлтернӗ. Стажа çӗнӗрен шутлама даннăйсене, çав шутра паспорт номерне те, ыйтнă.
-
Наци проекчӗсене пурнăçа кӗртме укçа-тенкӗ уйăрнă
Тутарстанра январь уйăхӗнче наци проекчӗсене пурнăçа кӗртме 1 миллиард та 543,6 миллион тенкӗ янă. Кун пирки ТР Финанс министерствин пресс-служби пӗлтерет.
-
«Манзара» фестивале хутшăнма заявкăсене февралӗн 28-мӗшӗччен йышăнаççӗ
Хусанта июнӗн 5-мӗшӗнче Кивӗ Тутар слободин территорийӗнче Атăлçи тăрăхӗнчи юмахсем фольклор темипе урам ташшипе театрăн «Манзара» фестиваль-конкурсӗ иртет. Çак кун чи лайăххисен ятне илессишӗн Тутарстанран 500 çын тупăшать. Фестивале хутшăнма заявкăсене февралӗн 28-мӗшӗччен йышăнаççӗ. Кун пирки «Татар-информ» агентство пӗлтерет.
-
Республикăна пӗр килограмм наркотик илсе килесшӗн пулнă
«Малиновка» полицин стационарлă постӗнче автоинспекторсем Марий Элта пурăнакан 43 çулти арçынна чарнă. Водитель сисӗнмеллех пăлханнипе вӗсем унăн япалисене тата автомашинăн салонне тӗрӗслеме шутланă. Тӗрӗслев хыççăн порошоклă 10 ытла пакет тупнă. Экспертиза вӗсенче синтетикăлла наркотик PVP (пурӗ 987 грамм) пулнине çирӗплетнӗ. Кун пирки ТР ШӖМӗн пресс-служби пӗлтерет.
-
Çамрăксен фестивальне хутшăнма регистраци пырать
35 çула çитмен çамрăксене Халăхсен хушшинчи çамрăксен фестивальне (МФМ-2026) хутшăнма чӗнеççӗ. Заявка йышăнас кампани февралӗн 5-мӗшӗнче «Россия» Наци центрӗнче «Знание» обществăн «Россия – семья семей» марафонӗ вăхăтӗнче пуçланнă. Кун пирки ТР çамрăксен ӗçӗсен министерствин пресс-служби пӗлтерет.
-
Ятарлă çар операцине хутшăнакансене приоритетлă йӗркепе хваттер илме пулать
2025 çулта Тутарстанра ятарлă çар операцине хутшăнакансен валли социаллă ипотекăн çӗнӗ программи ӗçлеме пуçларӗ. Тăватă уйăх хушшинче 20 çемье учета тăнă, вӗсенчен саккăрăшӗ çӗнӗ хваттер туяннă. Кун пирки «Татар-информа» ТР Раисӗ çумӗнчи Патшалăх çурт-йӗр фончӗн пресс-служби пӗлтернӗ.
-
Вăтам шкул валли çӗнӗ стандартсем вăя кӗрӗç
РФ Çутӗç министерствин канашӗ вăтам шкул валли (5-9-мӗш классем) çӗнӗ федераллă патшалăх вӗрентӗвӗн федераллă стандарчӗсем (ФГОС) проектне ырланă. Практика-ориентациллӗ вӗрентӳ валли хатӗрленӗ çӗнетнӗ нормăсем 2027 çулхи сентябрӗн 1-мӗшӗнчен ӗçлеме пуçлаççӗ. Кун пирки РИА Новости пӗлтерет.
-
Çамрăк закладчиксем çинчен ӳкернӗ фильм
ТР Çамрăксен ӗçӗсен министерстви наркотик сутнăшăн тӗрмене лекнӗ çамрăксем çинчен «За пределом» документлă фильм кăларнă. Кун пирки ведомствăн пресс-служби пӗлтерет.
-
Шупашкарта чăваш çамрăкӗсем пуçтарăнӗç
Март уйăхĕн 28-мĕшĕнче Чӑваш наци музейӗнче (Хӗрлӗ лапам, 5/2) 10.00 сехетре çамрӑксен форумӗ пулать.
-
Мамадышра «SunnyФЕСТ» фестиваль иртет
Хӗллехи экстрима кăмăллакансем çак канмалли кунсенче Мамадышра пуçтарăнӗç. Кунта креативлă çунасен «SunnyФЕСТ» фестивалӗ пулать. Кăçал вăл ТР Раисӗ Рустам Минниханов пуçарнă «Зима в Татарстане» республикăри анлă проект шайӗнче иртет. Кун пирки журналистсене ТР Туризмпа патшалăх комитечӗн председателӗ Сергей Иванов, Мамадыш районӗн ӗç тăвакан комитечӗн ертӳçи Артур Ефимов тата Тутарстанри хуласене аталантармалли институтăн пулăм программисен кураторӗ Данил Данилов «Татар-информра» иртнӗ пресс-конференцире каласа пачӗç.
-
Амăш капиталӗ ӳснӗ
Февралӗн 1-мӗшӗнчен пӗрремӗш ача çуралсан çемьене 729 пин тенкӗ параççӗ. Иккӗмӗш ачашăн тӳлев виçи пӗрремӗш ачапа амăш капиталне илнипе илменинчен килет. Пӗрремӗш ачашăн пособи илмен пулсан тӳлев 963 пин тенкӗпе танлашать, илнӗ пулсан – çемьене 234 пин тенкӗ параççӗ.
-
Суя водитель удостоверенийӗпе усӑ курнă
Чистайри автоинспекторсем суя водитель удостоверенийӗпе усӑ куракана чарнӑ. Вӗсем патне автомобиль регистрацилес тӗллевпе Çӗнӗ Шуçăмра пурӑнакан 23 çулти каччă килнӗ. Докуменчӗсене тӗрӗсленӗ чухне унăн водитель прави чăн пулни пирки иккӗленӳ çуралнă. Экспертиза тунă хыççӑн документ суя пулни палӑрнӑ.