News by date 2 June 2024
-
«Куççуль витӗр – Со слезами на глазах» конкурса видеоюрăсене июнӗн 9-мӗшӗччен йышăнатпăр
«Сувар» хаçат редакцийӗ ирттерекен «Куççуль витӗр — Со слезами на глазах» вăрçă юррисен онлайн-конкурсӗ малалла тăсăлать. Вăл вӗçлениччен нумаях та вăхăт юлмарӗ. Конкурса янă ӗçсем хаçатăн Телеграм-каналти тата «ВКонтакте» социаллă сетьри ушкăнӗсенче #конкурссослезаминаглазах хештегпа тухса пыраççӗ.
-
Аксури таврапӗлӳ музейӗнче Виктор Артемьевăн картинисен куравӗ уçăлать
Июнӗн 6-мӗшӗнче Аксури таврапӗлӳ музейӗнче пирӗн ентешӗн, паллă ӳнерçӗн Виктор Артемьевăн ӗçӗсен куравӗ уçăлать. Виктор Валентинович хăй вăхăтӗнче Çӗнӗ Аксуран тухса Федоровский поселокӗнче тӗпленнӗ йăхран, 1958 çулта çуралнă, амăшӗ тата шăллӗ тăван ялтах пурăнаççӗ. Хăй Чăваш Енри Çӗнӗ Шупашкарта тымар янă пулин те, тăван тăрăхне манмасть, тăтăшах килсе çӳрет. Куравне те вăл «Тăван кӗтес туртать (К родному порогу)» ят панă.
-
Анат Камăра пурăнакан Леонтьевсем Сочире Роман Костомаровпа тата Алексей Ягудинпа тӗл пулнă
Ачасен канăвне тӗрлӗ енлӗ, интереслӗ тума тăрăшаççӗ. Пушă вăхăтра хӗвелпе хӗртӗнсе те, тинӗс хӗрне çитсе курма та ӗлкӗрнӗ, парксенчи аттракционсенче те каннă. Чи асра юлаканни вара – Раççейри паллă спортсменсемпе Роман Костомаровпа, Оксана Домнинăпа тата Алексей Ягудинпа тӗл пулни. Фестивале хутшăнакансем Ягудинпа пӗрле зарядка тунă пулсан, Костомаровпа тата Домнинăпа вара тӗлпулу ирттернӗ.