News by date 5 January 2025
-
Асăрханăр – çӗнӗ вирус сарăлать
Юлашки кунсенче массăлла хыпар хатӗрӗсенче Китайра çӗнӗ йышши вирус – метапневмовирус – сарăлни пирки çыраççӗ. Роспотребнадзор пресс-службинчен пӗлтернӗ тăрăх, Китайри больницăсенче выртакансенчен декабрӗн 23 – 29-мӗшӗсенче илнӗ анализсем çынсем гриппа, метапневмовируспа тата риновируспа чирленине кăтартнă.
-
Çырчалли чăвашӗсем ятарлă çар операцине хутшăнакансен ачисем валли Çӗнӗ çул уявӗ ирттерчӗç
Çак кунсенче Çырчаллинчи «Родник» Халăхсен Туслăх Çуртӗнче чăваш ачисен ёлки иртрӗ. Унта «Путене» ача-пăча ансамбльне çӳрекен тата ятарлă çар операцине хутшăнакансен çемйисенчи ачасем хутшăнчӗç. «Лаштра чăрăш айӗнче» тесе ят панă мероприятие йӗркелесе ирттерекенсем – Çырчаллинчи Чăваш наципе культура центрӗ тата хулари Хӗрарăмсен союзӗ.
-
Çыру – Хӗл Мучи патне
Чи асамлă уяв – Çӗнӗ çул. Мӗншӗн асамлă-ха вăл? Мӗншӗн тесен Çӗнӗ çул каç пӗтӗм ӗмӗтсем пурнăçланаççӗ.