News by date 6 July 2025
-
БПЛА операторӗ Семен Семенов медале тивӗçрӗ!
Саймон позывнойлă Хусан каччине çар командованийӗ нумай пулмасть пӗрремӗш наградăпа, РФ Оборона министерствин «Участнику специальной военной операции» медалӗпе наградăланине пӗлтӗмӗр. Ăна Семен Семенов неонацистсен вăйлă вут-çулăмӗ айӗнче Донецк Халăх Республикинчи Покровское енчи Желтое ялӗ çывăхӗнчи вăрман йăрăмӗнчи вăхăтлăх пункта куллен, вăхăтра боеприпассем кӳрсе тăнăшăн тивӗçнӗ. Пурнăçӗшӗн пысăк хăрушлăха пăхмасăр çар заданине тивӗçлӗн пурнăçланине уйрăммăн палăртать командовани.
-
Хуласенчи обществăлла вырăнсене лайăхлатас енӗпе конкурсăн çӗнтеӳçисем паллă
2026 çулта обществăлла вырăнсене хăтлăх кӗртессипе иртнӗ Пӗтӗм Раççейри сасăлавра Хусан хулинчи Мускав районӗнчи Декабристсен тата Восстани урамӗсем хӗресленнӗ вырăнти «Тебриз» парк 13,8 пин сасă пухса çӗнтернӗ.
-
Тутарстан аслă шкулӗсенче кăçал 23,1 пин ытла тӳлевсӗр вырăн
2025-2026 вӗренӳ çулӗ валли документсене Тутарстанра 45 аслă шкулпа (28-шӗ патшалăхăн) вӗсен филиалӗсем йышăнаççӗ. РФ Вӗрентӳпе наука министерствин хушăвӗпе, кăçалтан йышăну кампанине улшăнусем кӗртнӗ, вӗсем 2029 çулхи сентябрӗн 1-мӗшӗччен вăйра. Кун çинчен ТР Министрсен Кабинетӗнче иртнӗ черетлӗ брифингра пӗлтерчӗç.