News by date 8 July 2023
-
«Сувар» хаçат редакцийӗ Хусанта Медиа-Уяв ирттерчӗ
Июлӗн 5-мӗшӗнче Хусанта «Татмедиа» çурчӗ çумӗнчи Фестиваль бульварӗнче чăвашсен пӗрремӗш медиа-Уявӗ иртрӗ. Медиа-Уява «Сувар» хаçат хăйӗн 30 çулхи юбилейне халалланăччӗ пулсан та Тутарстансен Уявӗн тематикине тӗпе хучӗ. Шăпах çак йăла урлă хусансемпе хула хăнисене тата ӗçтешӗсене чăваш халăхӗн культурипе паллаштарчӗ вăл. Фестиваль бульварӗнче çав кун «Чăвашсем» фотокурав та уçăлчӗ, унпа августăн 5-мӗшӗччен пурте паллашма пултараççӗ.
-
Суварçăсем Мускаври Ваганьково масарӗнче канлӗх тупнă Аслă Вӗрентекенӗмӗрӗн вилтăприйӗ çине çитсе курчӗç
Иртнӗ шăматкун, июлӗн 1-мӗшӗнче, Мускавра иртнӗ Пӗтӗм Раççейри Акатуя кайнă «Сувар» хаçат ӗçченӗсем, вӗсен ачисем тата Хусанти, Тутарстанри чăвашсен хастарӗсем чăваш халăхне çутта кăлараканăн, Аслă Вӗрентекенӗмӗрӗн Иван Яковлевич Яковлевăн вилтăприйӗ çинче пулса курчӗç. Суварçăсем Иван Яковлевичăн вилтăприйӗ çине çитсе пуç тайма тахçанах палăртса хунăччӗ, мӗншӗн тесен редакци кăçал Аслă Вӗрентекенӗмӗр çуралнăранпа 175 çул çитнине шута илсе ăна халалланă «Аслă Вӗрентекенӗмӗр еткерӗ» проект пурнăçлать. Проект шайӗнче тумалли ӗçсен шутӗнче И.Я.Яковлевăн вилтăприйӗ çине çитсе килесси тӗп вырăнтаччӗ.
-
Мускаври Акатуйра Тутарстан чăвашӗсем те йышлă делегаципе пулчӗç
Июлӗн 1-мӗшӗ Мускавра чăваш кунӗ пулчӗ тесен те йăнăш мар. Хула мэрийӗ кăçал чăвашсен çӗр ӗçӗн уявне – Акатуя – ирттерме хула варринчен инçе мар темӗн пысăкăш «Сокольники» парка уйăрса панă. Çавăнпа унта Раççейӗн тӗрлӗ регионӗнчи, хулари, пурӗ 87 пин ытла йăхташ валли юрлама, уяв картине тăма, вăйăсем выляма, кӗрешме, çав шутра йывăç сулхăнӗнче ларса канма та, вырăн çителӗклӗ пулчӗ. Палăртса хăвармалла, Пӗтӗм чăваш Акатуйне Федераци шайӗнчи Чăваш наципе культура автономийӗ ЧР Культура министерствипе пӗрле йӗркеленӗ. Аса илтеретпӗр, чăваш Акатуйӗ Мускавра 1930 çултанпа иртет. Малашне те июль уйăхӗн пӗрремӗш шăматкунӗнче тӗп хулара тӗл пуласса шанаççӗ чăвашсем.
-
Нина Степановна ЯКОВЛЕВĂНА 85 çул тултарнă ятпа!
Чистай районӗнчи Ишельел ялӗнче пурăнакан ӗç ветеранӗ Нина Степановна ЯКОВЛЕВА июлӗн 8-мӗшӗнче 85 çул тултарать