News by date 11 May 2021
-
Учительсен психологсем пулмалла
Психолог шухӑшӗпе, халӗ стрелок взрывӗсене лекнӗ ачасен питӗ пысăк стресс. Ҫак тапхӑрта ачасем вӗсем общество хӳтлӗхӗнче пулнине ăнланмалла, ун валли специалистсен пулăшăвӗ кирлӗ. Ачасене ҫакӑн пек лару-тӑрусем сайра-хутра ҫеҫ пулнине, система çакăн пек инцидентсене сирсе янине ăнлантармалла
-
175-мӗш шкул умӗнче çӗре кӗнисене асăнса хăй хальлĕн мемориал йӗркеленӗ
Трагеди вырăнне Тутарстан Президенчӗ Рустам Минниханов килчӗ, майăн 12-мӗшӗнче Хусанти шкулсем ӗçлемеççӗ, ыран Тутарстанра траур кунӗ пулать
-
175-мӗш гимназире вилнӗ тата аманнă çынсен çемьисене укçан тӳлевпе пулăшма йышăннă
Вилнӗ çынсен çемьисем 1 000 000 тенкӗ укçа илӗç, йывăр аманнă çынсен çемьисем 400 пин тенкӗ илӗç, çăмăл аманнисен çемьисем 200 пин тенкӗ илӗç
-
Паян ирхине Хусанти 175-мӗш шкулта ачасене тата учительсене пеме пуçланă
175№ гимназире пулнă трагедире вилнӗ ачасен тăванӗсемпе пӗрле тарăннăн хурланатпăр. Май уявӗсем хыççăнхи ӗç эрни калама çук пысăк трагедипе пуçланчӗ. Майăн 11-мӗшӗнче Хусанти 175№ гимназире 19 çулти И.Галявиев саккăрмӗш класра вӗренекен 7 ачана тата пӗр вӗрентекене персе пăрахнă, взрыва пула 21 ача аманнă, 6-шӗ реанимацие лекнӗ. Вилӗмрен çăлăнас шутпа хытă пăлханса виççӗмӗш хутранах сикекен ачасем те пулнă. Паллах, çакăн пек çӳллӗшрен ӳксе сывă юлма вӗсен шанăç питӗ сахал пулнă. Чăтма çук пысăк хуйхă, тин çеç пурăнма пуçланă яш-кӗрӗмӗн пурнăçне вăхăтсăр татнине ниепле те йышăнма çук. Çак кунхи ир пӗтӗм социаллă сетьсенче пӗрин-хыççăн тепри хăрушă видеосем сарăлчӗç. Шанас килмерӗ. Анчах, шел пулин те, хыпарӗ – чăн. Çумрах теракт пулни ал-урана çыхса лартрӗ. Çак кун Хусанти кашни шкултан ашшӗ-амăшӗ ачисене васкаса килӗсене илсе кайрӗ. Хушма пӗлӳ паракан организацисем те занятисене пăрахăçларӗç.