News by date 11 November 2023
-
Почтальонка – чи кӗтнӗ хăна
Çӗнӗ Йӗлмелӗнчи çыхăну уйрăмӗн пуçлăхӗ Альбина Айнулова каланă тăрăх, Ольга Карсакова хăйӗн ӗçне яланах вăхăтра, питӗ юратса, тӳрӗ кăмăлпа пурнăçлать. Ун пирки çынсем нихăçан та япăх сăмах каламан. Кашни çынпа хăвăрт пӗр чӗлхе тупать уçă кăмăллăскер. Ахальтен мар Ольга Владимировнăна лайăх ӗçленӗшӗн пӗрре мар «Татарстан почтасы» Почта çыхăнăвӗн управленийӗ Тав хучӗпе чысланă.
-
Анатолий Аринин В.В.Путин алă пуснă патшалăх наградине тивӗçнӗ
РФ культура министрӗ Ольга Любимова çӗршыв культурине сулмаклă тӳпе хывнă 30 çынна наградăсем пачӗ. Вӗсен хушшинче литераторсем, режиссерсем, пултарулăх коллективӗсен илемлӗх ертӳçисем, артистсем, преподавательсем тата ытти деятельсем пур. Чыслав Мускаври Пысăк театрта иртрӗ. Награда илнисен хушшинче пирӗн ентеш, Чăваш Республикинче çуралса ӳснӗ Анатолий Николаевич Аринин поэт, çыравçă, композитор, музыкант, психолог, философ тата юрист та пулчӗ. Вăл РФ Президенчӗн В.В.Путинăн «Культурăпа искусствăри ӗçсемшӗн» медальне тивӗçрӗ. Паянхи куна Анатолий Аринин Чăваш Енре çак патшалăх наградине илнӗ пӗрремӗш çын.
-
Пирӗн вăй пӗрлӗхре
Ноябрӗн 3-мӗшӗнче «Казань Экспо» курав центрӗнче «Наш дом – Татарстан. Россия» фестиваль иртрӗ. Фестивале Наци культурисен тата йăлисен çулталăкне пӗтӗмлетсе Халăхсен пӗрлӗхӗн кунӗ тӗлне йӗркелени мероприятин пӗлтерӗшне тата та пысăклатрӗ.