News by date 13 January 2024
-
Теччӗсем фронт çывăхӗнчи госпитальсем, салтаксем валли гуманитари пулăшăвӗ пухаççӗ
Раççей вăйӗ — пӗрлӗхре. Пирӗншӗн ют хуйхă çук. Ятарлă çар операцийӗ пуçлансанах Донбасс халăхне, хамăр салтаксене патшалăхсăр пуçне халăх та нумай пулăшать. Пирӗн республикăра çак ӗçе хутшăнман предприяти-организаци çук. Район-хула кашни эрнере тенӗ пекех фронта гуманитари пулăшăвӗ ăсатать. Ыркăмăллăх фончӗсем чарăнмасăр ӗçлеççӗ. Теччӗ районӗнчи «Серебряный возраст» волонтерсен юхăмӗ 2022 çулхи ноябрь уйăхӗнченпе фронт çывăхӗнчи госпитальсем, салтаксем валли гуманитари пулăшăвӗ пухать. Юхăма Теччӗ районӗнчи Чăваш наципе культура автономийӗн хастарӗ Маргарита Анатольевна Адайкина ертсе пырать.
-
Юрату çинчен чăвашла вулар
Коллективлă сборник тӗрлӗ автор хайлавӗсене пӗрлештерсе тăрать, çавăнпа интереслӗ те вăл. Пӗр темăнах кашни хăйне евӗр уçса парать. «Чӗре тӗпӗнчи туйăм» кăларăма сакăр прозаикăн калавӗ-повеçӗ кӗнӗ. Владимир Степанов, Владислав Николаев, Ольга Васильева, Дмитрий Моисеев, Ольга Австрийская, Константин Малышев çыравçăсен ячӗсене вулакан илтнех ӗнтӗ. Вӗсен уйрăм кӗнекисене библиотекăсенче те илсе вулама пулать. Ольга Рубцовăпа Татьяна Ишмуратова — чăваш литературинче малтанхи утăмсем тăвакансем.
-
Зодиак гороскопӗ: мӗн кӗтет пире 2024 çулта?
Хура Шыв Кроликӗн çăмăл мар çулӗ — 2023 çул — хыçа юлчӗ. Савăнтарнă самантсене асра хăварар та хăюллăн 2024 çула — Симӗс Йывăç Аçтаха çулне кӗрер. Астрологсем 2024 çула çутă пуласлăха шанăç кӳрекен çул тесе ӗнентереççӗ. Чи малтанах Аçтаха çулӗ високослă çул пулнине палăртмалла, анчах ку пире хăратмалла мар (кун пек çулсенче трагедилле ӗçсем пулса иртеççӗ текен халапсем анлă сарăлнă халăхра), пачах урăхла: ку çулталăкра 366 кун. Апла ытти çулсенчен пӗр кун ытларах кун çути куратпăр, пӗр кун ытларах юратнă, çывăх çынсемпе пулса вӗсене хамăрăн туйăмсем çинчен калама май пур тата ырă ӗçсем ытларах тума шанăç парать уçлăх.
-
Раççей Пичет кунӗпе!
ТР Патшалăх Канашӗн Председателӗ Ф. Х. Мухаметшин Раççей Пичет кунӗпе саламлани