News by date 19 May 2024
-
Виталий МАТОРКИН: «Çемьепе пĕрле пуçтарăнсан юрлама юрататпăр»
Хуть кампа паллашсан та, тӗл пулсан та чи малтан çынна çакăн пек ыйту паратăп: «Эсир пирӗн Тукай районӗнчен-и?» Ара, Тукай районӗн хаçатӗнче ӗçлетӗп-çке, журналист ялан мӗнле интереслӗ çын çинчен çырмаллине шырать вӗт. «Çапла, эпӗ Тукай районӗнчен», — тесе хуравларӗ ак хальхинче çулташăм. Çапла паллашрăмăр та Виталий Маторкинпа нумай пулмасть Хусана «Сувар» хаçатăн юбилейне кайма тухсан. Вăл питӗ интереслӗ, хăйнеевӗрлӗ çын. Тата çакна та палăртас килет: ун питӗнчен йăл кулă каймарӗ.
-
Аслă Атăл çулӗ
Çанталăк ăшă кунсемпе савăнтарма васкамасан та çулталăк вăхăчӗ хăйӗннех илет — урамра çуркунне! Кайăксем вӗçсе килнӗ, ӳсен-тăран кунран кун ешӗлрех, пысăкрах юханшывсенче çуллахи навигаци уçăлнă. Ку енӗпе çӗнӗлӗхсем пур. Шывпа çӳреме юратакан пассажирсене савăнтарасса шанатпăр хыпарсем.
-
Иртнине пĕлмесĕр пуласлăх çук
Кăçал Раççейре Çемье çулталăкӗ пулнине шута илсе Пухтелӗнчи Культура çуртӗнче «Асанне арчи» ятпа улах ирттертӗмӗр. Мерпориятин тӗллевӗ чăваш халăхӗн йăли-йӗркине упраса хăварса аталантарасси, хаклама вӗрентесси, çамрăк ăрăва паллаштарасси пулчӗ.
-
Майăн 19-мӗшӗ – Тутарстан Республикин Пичет кунӗ
Тутарстан Республикин Патшалăх Канашӗн Председателӗ Фарид Хайруллович Мухаметшин Тутарстан Республикин Пичет кунӗпе саламлани (2024 çулхи майăн 19-мӗшӗ)