News by date 6 January 2022

06 января 2022
Пӗрре вакцинаци тутарнисен 6 уйăхран тепре тутармалла, ун пек шанчăклăрах

Паянхи кун тӗлне республикăра пурăнакан 2293281 çын ковидран вакцина тутарнă. Прививка тутарас текенсемшӗн вакцинаци пункчӗсем ӗçлеме пуçланă та ӗнтӗ. Маларах Сывлăх сыхлав министерствинчен 12-17 çулти ачасем валли вакцина 2021 çул вӗçӗнче республикăна çитмелле тесе пӗлтернӗччӗ. Тӗрлӗ сăлтавсене пула вăл хальлӗхе çитеймен-ха. Праçниксем хыççăнах çитет тесе шутлаççӗ министерствăра.
06 января 2022
Сезон пуçланнăранпа республикăра гриппа чирленӗ 580 çынна шута илнӗ

Паяна Тутарстанра коронавируспа тата 91 çын чирленӗ. Çакăн пирки «Татар-информ» Информаци агентствинче иртнӗ пресс-конференцире Роспотребнадзорăн Тутарстанри Управленийӗн ертӳçин çумӗ Любовь Авдонина пӗлтерчӗ. Хальхи вăхăтра республикăра коронавируспа чирленисемпе контактра пулнă е ОРВИ симптомӗсемлӗ 7299 çын врачсен тимлӗхӗнче.
06 января 2022
Пӗрле тăрăшсан тем те тума пулать, çав шутра – чиркӳ те

Ку истори пӗр ӗмӗр каялла пуçланнă. Вӗçленме вара 100 çул иртсен – 2021 çулхи раштав уйăхӗнче – вӗçленчӗ. Совет влаçӗ йӗркеленсен çамрăк республикăра мӗнпур чиркӳпе храма аркатасси пирки калакан декрет йышăннă. Коммунистсем атеист пулнă, Турра ӗненмен. Иртнӗ ӗмӗрӗн 20-30-мӗш çулӗсенче Çӗпрел районӗнчи Çӗнӗ Упи ялӗнче питӗ пысăк чиркӗве салатнă. Хурланса йӗрекен халăх йынăшни таврара тахçанччен илтӗннӗ. Ӗненекенсем пухăнакан çурта аркатса ахаль çынсен пурнăçне тепӗр май çавăрса хуни нумай сиен кӳнӗ. Хресченсен хушшинче вӗреннӗ çынсем сахал пулнипе вӗсем хăйсен шухăшӗ çине тăма вăй çитереймен. Шанăçӗ, ӗненӗвӗ килте, чунра юлнă.
06 января 2022
Александр Сергеевичпа Лия Ивановна ШУРЫГИНСЕНЕ çемье çавăрнă ятпа саламлатпăр!

Аксу районӗнчи Емелькино ялӗнче пурăнакан Александр Сергеевичпа Лия Ивановна ШУРЫГИНСЕМ çемье çавăрнăранпа январӗн 7-мӗшӗнче 65 çул çитет. Хаклă çыннăмăрсене тимӗр туй ячӗпе ăшшăн саламлатпăр!
06 января 2022
Хурăнвар Шăхалӗнчи библиотекăра пӗлтӗр «Чи хулăн формуляр» конкурс ирттертӗмӗр

2021 çул пуçламăшӗнче Хурăнвар Шăхаль библиотекинче «Чи хулăн формуляр» конкурс пуçартăмăр. Унпа пуринчен ытла шкул ачисем кăсăкланчӗç. Библиотекăна кашни кун çӳрекенсен шучӗ палăрмаллах ӳсрӗ. Ачасем кӗнекесене пӗр-пӗринчен иле-иле вулаççӗ, тата çӗнӗ юмахсемпе илемлӗ литература çук-и тесе интересленеççӗ. Çул ӳсӗмне кура тӗрлӗ мероприятисем нумай ирттертӗмӗр. Декабрь уйăхӗнче вара пӗтӗмлетӳ турăмăр. Конкурссене, акцисене, викторинăсене хастар хутшăннисене дипломсем, сертификатсем, тав хучӗсем тата Хӗл Мучинчен пылак парне парса савăнтартăмăр.
06 января 2022
Николай Александрович СИМАГАНОВА юбилейпе саламлатпăр!

Пенза облаçӗнчи Çăртанлă районӗнчи Итӗмкура ялӗнче пурăнакан Николай Александрович СИМАГАНОВ январӗн 6-мӗшӗнче 80 çул тултарать. Хреснаттене юбилей ячӗпе ăшшăн саламлатăп!