Анастасия КОНДРАТЬЕВА: «КИТАЙРА ПУРĂНĂП ТЕСЕ НИХÇАН ТА ШУТЛАМАН»
Нумай пулмасть эпир Анастасия Кондратьевăпа паллашрăмăр. Анат Камăра çуралса ӳснӗ чăваш хӗрӗ вуннăмӗш çул Китайра пурăнать. 29 çулта кăна пулин те Настьăн çитӗнӗвӗсем самай пысăк. Çак çулсенче унти темиçе компанире ӗçлесе ӗлкӗрнӗ – лайăх должноçра. Малтанласа Харбинри хăна çуртӗнче, çакăнта вăл китайла тăван чӗлхерен кая мар калаçма тытăннă. Кайран пысăк корпорацире – бутик-отельре ӗçленӗ. Унта управляющи тивӗçӗсене пурнăçланă. Шанхайпа та ӗç опычӗ çыхăннă. Хальхи вăхăтра «Русклиматра» ӗçлет.
