Кашни иккĕмĕш тенки — çемьесене
РФ Президенчӗн В.Путинăн хушăвӗпе темиçе çул каялла хута кайнă «Демографи» наци проекчӗ кашни регионта ăнăçлă пурнăçланать. Тӗллевӗ — халăх шутне хăй тӗллӗн ӳстересси, сывлăхлă пурнăçа тăсасси, ӗç çулӗнчи çынсен вилеслӗхне чакарасси тата ача çураласлăхне ӳстересси. «Демографи» наци проекчӗ Тутарстанра мӗнле пурнăçланнипе тата Раççейри Çемье çулталăкӗнче мӗн-мӗн тума палăртнипе февралӗн 13-мӗшӗнче ТР Министрсен Кабинетӗнче иртнӗ брифингра паллаштарчӗç.
