Виталий МАТОРКИН: «Çемьепе пĕрле пуçтарăнсан юрлама юрататпăр»
Хуть кампа паллашсан та, тӗл пулсан та чи малтан çынна çакăн пек ыйту паратăп: «Эсир пирӗн Тукай районӗнчен-и?» Ара, Тукай районӗн хаçатӗнче ӗçлетӗп-çке, журналист ялан мӗнле интереслӗ çын çинчен çырмаллине шырать вӗт. «Çапла, эпӗ Тукай районӗнчен», — тесе хуравларӗ ак хальхинче çулташăм. Çапла паллашрăмăр та Виталий Маторкинпа нумай пулмасть Хусана «Сувар» хаçатăн юбилейне кайма тухсан. Вăл питӗ интереслӗ, хăйнеевӗрлӗ çын. Тата çакна та палăртас килет: ун питӗнчен йăл кулă каймарӗ.
