Июнӗн 8-мӗшӗнче Çӗпрел тăрăхӗнче Акатуй иртрӗ
Чăваш патшалăх академи юрăпа ташă ансамблӗ уяв картине театрализациленӗ представлени кăтартма тухнăччӗ ӗнтӗ, çав самантра аслати кӗмсӗртетсе витререн тăкнă пекех çумăр чашлаттарчӗ. Çавăнпа уява уçас церемоние вăхăтлăха чарма тиврӗ. Апла пулсан та çынсен кăмăлне пăсаймарӗ ку, Упи ял тăрăхӗ çумăра тилмӗрсе кӗтнӗ. «Тахçанах кӗтнӗччӗ-ха эпир ку çумăра, вăл пире çав тери кирлӗ», — çапла хакларӗ çанталăк йăлăнтармăшне район пуçлăхӗ.
