Ӳнерçӗ чунӗ ӗçӗсенче палăрать
Мӗнпе виçетпӗр эпир çыннăн хăватне? Нумайăшӗ енчӗк хулăнăшӗ тăрăх хисепне уйăрать, теприсем хаярлăхне пăхса сума сăваççӗ пуль, ăс-хакăл виçине кура хаклакансем те пур. Çапах мӗнле виçепе виçмелле-ха художниксене? Кашни çыннăн хăйӗн курăмӗ вӗт: пӗрне килӗшет симӗс тӗс, теприне – çук. Ӳнерçӗне ăнланма кăштах тăн та кирлӗ. Пурне те юраса пӗтерейместӗн, çапах та. Картина çыракансем сăмахпа калакансенчен те тарăнрах кӗреççӗ пек туйăнать пирӗн чӗресене. Çавăн пек çынсенчен пӗриччӗ Валериан Киргизин.
