Хӗл Мучи парни
Çӗнӗ çулхи уява кӗтсе илме малтанах пуçланă Сергеевсем. Капăр чăрăш туянса тӗрлӗ теттесемпе, çутăсемпе илемлетнӗ. Пӳлӗмре уяв сӗмӗ палăрчӗ. Пӳлӗме чăрăшран сăмала шăрши сарăлнă. Эрне маларах вара ачасем кашниех ӗçпе аппаланчӗç, тӗслӗ хутран вăрăм сăнчăр ăсталарӗç. Амăшӗ хитре юр пӗрчисем касса чӳречесем çине çыпăçтарса хитрелетрӗ, сăрăсемпе юмахри чӗрчунсемлӗ вăрман ӳкерчӗ. Пӳлӗме тӗрлӗ тӗслӗ ялтăртатакан мишурасемпе те капăрлатрӗç. Ашшӗ чăрăш çине теттесем çакса илемлетрӗ.
