Çамрăксене, вӗренекен мăшăрсене пулăшмалла
Ку сăмахсем университетпа çыхăнни кăшт тӗлӗнтерет те: çамрăксен вӗренӳ заведенийӗнче талккăшӗпех студентсен вырăнӗ пулассăн туйăнать. Анчах кунта вăрттăнлăхӗ акă мӗнре. Ятарласа уйăрнă вырăнта студентсен канса вăй пухма та, компьютерпа кирлӗ ӗçсем тума та, библиотекăри литературăпа паллашса таврапӗлӗве анлăлатма та май пур. Идейисене аталантарма, проекчӗсене пурнăçлама ирӗклӗ. Çивӗч ыйтусене ушкăнпа татса памалла чух 15 – 20 çын шăнăçакан пӳлӗме кӗрсе «каварлашма» та пулать, кирлӗ-тӗк алăкӗ те хупăнать, кӗнеке вулакансене, компьютерпа ӗçлекенсене чăрмантарас çук.
