Хусанăн çурçӗр енчи территорин сывлăшне чи пысăк 7 предприяти варалать
Çуркунне ир килнипе хӗл хыççăн тавралăха тирпейлессине муниципалитетсем кăçал санитарипе экологи икӗуйăхлăхӗ (апрелӗн 1-мӗшӗ) пуçланасса кӗтмесӗрех пуçăннă. Тирпей кӗртесси экологсен ӗçӗн пӗр пӗчӗк пайӗ кăна, сывлăша варалассине чакарасси, тӗслӗхрен, тахçанхи пуç ыратăвӗ вӗсен. Ку тата экологи икӗуйăхлăхӗн ыйтăвӗсене ТР экологи министрӗпе Александр Шадриковпа унăн пӗрремӗш çумӗ Ильнур Губайдуллин апрелӗн 15-мӗшӗнче ТР Министрсен Кабинетӗнче иртнӗ брифингра уçăмлатрӗç.
