Владимир Акимов: «Художникăн проблемăна курмăш пулма ирӗк çук»
Эсир хăçан та пулин шутланă-и, мӗншӗн-ха картинăна çырнă тесе калатпăр? Çапла, «ӳкернӗ» сăмахпа та усă куратпăр. Анчах вăл ӳнерçӗн ӗçне туллин палăртаймасть. Мӗншӗн тесен картина вăл живопись чӗлхипе çырнă калав, повесть е роман. Ку ӗнтӗ сюжет анлăшӗпе ăнлавӗнчен килет. Картинăсен умӗнчен хăвăрт пăрăнса утса каяймастăн. Вӗсене чăнах та вулатăн. Галерейăсене кайсан вăхăт иртнине туймастăн. Виç-тăват сехет те иртет, эсӗ вара çуррине те курса ӗлкӗреймен.
