14 сыпăкран тăракан поэмăра вирьял чăвашӗсен туйӗ çинчен çырса кăтартнă
Чăваш туйӗ – халăхăн пурнăçӗнчи чи пӗлтерӗшлӗ пулăмсенчен пӗри. Унăн йăли-йӗрки, илемӗ, пуянлăхӗ ăруран ăрăва куçса пынă. Тӗрлӗ вырăнти чăвашсен – вирьялпа анат енче пурăнакансен – туй йӗрки кăшт уйрăлса тăнă. Нумаях пулмасть Чăваш кӗнеке издательствинче Сăкăт Ваньккин «Кукаç туйӗ» поэми кун çути курчӗ. Редакторӗ – Ольга Федорова, ӳнерçи – Дарья Степанова.
