News by date 21 April 2023
-
Михаил Пришвинăн калавӗсем – икӗ чӗлхепе
Кăçал çӗршывăмăр Михаил Пришвин (1873–1954) çыравçă тата публицист çуралнăранпа 150 çул çитнине паллă тăвать. Михаил Михайлович – çутçанталăкпа тăван çӗр юрăçи. Хайлавӗсенче вăл мӗнпур тавралăха – тискер чӗрчунсемпе кайăксене, йывăç-курăка, тăватă ураллă туссене – юратни çинчен çырнă.
-
ЧĂВАШ ПУЛМА ПИЛЛЕНӖ
Чи малтанах район шайӗнче ирттерме палăртнă фестиваль регион шайне çӗкленнӗ. Сăмах апрелӗн 13-мӗшӗнче Çӗпрел районӗнчи Çӗнӗ Упи ялӗнче иртнӗ мероприяти пирки пырать. Ăна чăвашсен çутта кăлараканӗ Иван Яковлевич Яковлев çуралнăранпа 175 çул çитнине халалласа йӗркеленӗ. П.В.Дементьев ячӗллӗ шкул ăна вырăнти ял хутлăхӗн администрацийӗ пулăшнипе ялти Культура çуртӗнче куракансен залӗнче ирттерчӗ. Фойере те пушă пулмарӗ – ал ӗçне юратакансен эрешӗсемпе теттисене пăхса киленме пулчӗ унта. Вӗсен хушшинче те ăмăрту пычӗ. Чи пултаруллă ӗçчене кураври ӗçӗсем тăрăх жюри хакласа палăртрӗ.
-
КОСМОНАВТ ПУЛАС ТЕСЕН МӖН ТУМАЛЛА?
П.В.Дементьев музейӗнче Космонавтика кунне халалласа Çӗнӗ Упири тӗп шкулта вӗренекенсем валли «Космоса парăнтарни» музей урокӗ иртрӗ.