News by date 23 November 2025
-
Автоград Çӗнӗ çула хатӗрленет
Çырчаллинчи Çӗнӗ Çул лапамӗ кăçал хула çыннисене уйрăм илемӗпе тӗлӗнтерӗ. Хула администрацийӗнче пӗлтернӗ тăрăх, икӗ юбилейлă датăна – Çырчаллин 400 çулне тата КАМАЗăн пӗрремӗш автомобильне кăларнăранпа 50 çул çитнине – халалласа капăрлатасса хыпарлать vestikamaza.ru сайт. Ҫапла вара, «Азатлык» тӳремре юбилейлă пулӑмсем валли ятарласа тунӑ çӗнӗ декораци элеменчӗсем пулӗç. Тӗп капăрлăхсенчен пӗри – лапама кӗнӗ çӗрте вырнаçтарма палăртнă «400 çул» пысăк конструкци пулӗ.
-
Пăва районӗнчи садиксем конкурс-фестивальте халăх йăлисене кăтартрӗç
Ноябрӗн 11-мӗшӗнче Пӑва хулинчи ача сачӗсен хушшинче «Живи в веках родной язык» конкурс-фестиваль иртрӗ. «Ромашка» ача садӗнче пулнă уява Пӑва хулинчен 10, ялсенчен 2 садик хутшӑнчӗ.
-
Паллă кларнетиста манмастпăр
Тӑхӑрьял çӗрӗ Тӑван çӗршыва пайтах паллӑ çынсемпе пуянлатнӑ. Çавсенчен пӗри – тӗнче шайӗнче палӑрнӑ кларнетист Михаил Михайлович Измайлов, вӑл 29 çул хушши Ленинградри филармонире Е.А.Мравинский оркестрӗнче вӑй хунӑ. «М.Измайлов çӳллӗ квалификациллӗ, тӑрӑшуллӑ вылявçӑ», – тесе хакланӑ ӑна Социализмла Ӗç Геройӗ, СССР халӑх артисчӗ, паллӑ сӗрмекупӑсçӑ Д.Ф.Ойстрах.
