News by date 23 December 2023
-
Патриота пӗчӗкрен ӳстермелле
Ытларикун Хусанти Тутарстан Халăхсен Туслăх Çуртӗнче «Татарстан — Новый век» (ТНВ) — «Татарстан — Яңа гасыр» — «Тутарстан — Çӗнӗ ӗмӗр» Республикăри обществăлла юхăмăн Аслă Канашӗн ларăвӗ иртрӗ. Ăна ТР Патшалăх Канашӗн Председателӗ, «ТНВ» Аслă Канашӗн председателӗ Фарид Хайруллович Мухаметшин уçрӗ. Çамрăксенче патриотизм туйăмне аталантарасси пирки ытларах калаçрӗç ларура. Республикăри ведомствăсенчен килнисем те хăйсен доклачӗсенче çакăн çине пусăм турӗç.
-
Валентин Урташ çуралнăранпа 99 çул çитрӗ
«Урташ чăваш халăх поэзийӗн традициллӗ пуянлăхне паянхи çӗнӗлӗхпе, Çеçпӗлӗн революцилле пусăмлăхӗн илемӗ-янăравӗпе килӗшӳллӗн çыхăнтарса малалла аталантарнă пысăк ăста. Пуçри шухăшӗ хистенипе мар, чун-чӗре талпăнăвӗ çак ӗçе меслетлеме хыпăннипе. Çутçанталăк пархатарӗн вăйăмӗпе. Апла-тăк, поэзийӗмӗр йывăççин çак хăйне евӗр сыпăннă турачӗн пур уйрăмлăхӗсене те хаклă пуянлăх вырăнне хурса тӗплӗн тишкермелле, тарăннăн тӗпчемелле, шухăшăмăра пӗтӗмлетмелле», — палăртрӗ Чăваш халăх поэчӗ Юрий Сементер эпӗ Урташ кун-çулӗпе кăсăкланнине пӗлсен.
-
Юлия Еремеева «Раççей чăваш пики — 2023» титула чăннипех тивӗçлӗ
Иртнӗ шăматкун, декабрӗн 16-мӗшӗнче, Шупашкарти К. Иванов ячӗллӗ Чăваш патшалăх академи драма театрӗнче «Чăваш пики — 2023» Пӗтӗм Раççейри пултарулăхпа илем конкурсӗ иртрӗ. Тутарстан, Пушкăртстан республикисенчен, Ульяновск облаçӗнчен тата Чăваш Енрен пурӗ 18 пике хăй пултарулăхне кăтартрӗ. Тутарстан чысне харăсах виçӗ пике: Юлия Еремеева (Хусан), Анастасия Алексеева (Çырчалли), Ксения Герасимова (Пăва районӗ, Элшел ялӗ) хӳтӗлерӗ.