News by date 25 August 2024
-
Республикăра тăвакан çӗнӗ культура объекчӗсене, юсанă культура учрежденийӗсене наукăпа техника çӗнӗлӗхӗсем çитсех пыраççӗ
2024 çулта пилӗк çул каялла ӗçе кӗнӗ наци проекчӗсем вӗçленеççӗ. Ведомствăсем малтанхи пӗтӗмлетӳсене тума пуçланă та. ТР Культура министерстви те журналистсемпе тӗл пулса «Культура» наци проекчӗн хӳттипе пурнăçланă ӗçсем çинчен каласа пачӗ. «Татар-информ» информаци агентствинче ТР культура министрӗн пӗрремӗш çумӗ Юлия Адгамова, ТР Наци музейӗн директорӗ Алиса Вяткина тата Хусанти Киров районӗнчи 2№ искусствăсен шкулӗн ертӳçи Евгений Кубышкин пулчӗç.
-
Çӗнӗ вӗренӳ çулӗнчи улшăнусемпе пресс-турта паллаштарчӗç
Тутарстанра çӗнӗ вӗренӳ çулӗнче тӗпрен юсанă хыççăн пурӗ 49 шкул хăйӗн алăкӗсене вӗренекенсем валли уçать, ачасене вӗренӳ вăхăтӗнче мобильлӗ телефонсемпе усă курма чарӗç, контроль ӗçӗсем хăçан пуласси пирки вара малтанах паллă пулӗ. Вӗрентӳри çак тата ытти çӗнӗлӗхсем пирки «Тутарстан – çитӗнӳсен республики» пресс-тур вăхăтӗнче журналистсене каласа пачӗç.
-
Чи чаплă хула
Пӗчӗк чухне пире, Тутарстанри асфальтсăр районта пурăнакансене, çак хулапа Чăвашрадио кăна çыхăнтарса тăратчӗ пуль: «Шупашкар калаçать. Вăхăт…» – тимӗр сасăпа калаçатчӗ диктор. Асанне – хăçан каçпа 5-ре, хăçан 6-ра – манмастчӗ радио çывăхне ларма. Унăн юратнă передачи «Ăраскал» ятлăччӗ. Радиопа калаçакан хӗрарăмăн чӗтренерех тухакан сассине пин-пин сасăран уйăрса илеетӗп пуль халӗ те. Турри сывлăх патăр ăна сывă пулсан. Инçетри Шупашкартан çуллахи каникулта тантăшсем, Çимӗкре тăвансем килетчӗç тутлисене илсе. Тата аннен сайра килекен пӗртăванӗсем пурăнатчӗç унта. Калаканӗ каласа панă пуль ӗнтӗ, анчах хăв куçупа курни урăхла вӗт вăл.