News by date 30 April 2023
-
Шупашкарта халăхăмăрăн аслă патриархне, паллă педагога, православи миссионерне И.Я.Яковлева халалланă митинг пулчӗ
Апрелӗн 25-мӗшӗнче Шупашкар хулинчи Наци библиотекин скверӗнче И.Я.Яковлева халалласа лартнă палăк умне Раççейӗн чăвашсем йышлă пурăнакан регионӗсенчен йышлă делегацисем пуçтарăнчӗç. Çакăнта Ульяновск, Самара облаçӗсенчен, Пушкăртстанран, Марий Элтан, Мускавпа Санкт-Петербург хулисенчен килсе çитнӗ тахçантанпа курман пӗлӗшсене курма пулчӗ. Тутарстанран та нумайăнччӗ, уйрăмах чăваш чӗлхине вӗрентекенсем. Вӗсем кунта ятарласа вӗрентекенсен семинарне пухăннă иккен.
-
Анат Камăри 34№ чăваш гимназийӗ ирттерекен «Яковлев вулавӗсем» наукăпа практика конференцийӗн авторитечӗ пысăк пулнăран унта хутшăнас текенсем йышлă
Анат Камăри 34№ чăваш гимназийӗ çулсерен акă «Яковлев вулавӗсем» наукăпа практика конференцине ирттерет. Кăçал Аслă Вӗрентекенӗмӗр çуралнăранпа 175 çул çитнине уявланине шута илсе хăйсен ӗçне вӗсем самай анлăлатнă, секцисен шутне ӳстерсе чăваш чӗлхипе кăна мар, ытти предметсемпе – естествăлла наука предмечӗсемпе секцисем уçнă, педагогика тӗпчевӗсемпе вара вӗрентекенсен хушшинче хăйне уйрăм секци йӗркеленӗ.
-
Кăнна Кушкине Иван Яковлевăн кӗçӗн мăнукӗсем те килчӗç
75 çулхи юбилее паллă тумашкăн делегацисем Тутарстанăн тӗрлӗ кӗтесӗнчен, Чăваш Енрен, Ульяновск облаçӗнчен килнӗччӗ. Çавах та чӗрене çывăх чи сумлă хăнасем Иван Яковлевичăн кӗçӗн-кӗçӗн мăнукӗсем Любовь Михайловна Ордынскаяпа Василий Михайлович Толмачев мăшăрӗсемпе пулчӗç. Юбилее халалланă мероприяти Кăнна Кушкинче чечек хунинчен пуçланчӗ те районти Культура керменӗнче И.Я.Яковлевăн педагогика еткерлӗхӗпе çыхăннă наукăпа практика конференцийӗпе малалла тăсăлчӗ. Пӗтӗм шухăш, калаçу çак кун Иван Яковлевичăн капашсăр ӗçӗ пирки пулчӗ.