News by tag - 100-летие ТАССР

18 октября 2020
Мăнаккан хӗрне тупма «Жди меня» передача пулăшаймарӗ, «Сувар» хаçат ӗçченӗсем пулăшрӗç

Кукаçин пӗр хӗрӗ, манăн аннен аппăшӗ, Полина йывăр пурнăçа пула ялтан тухса кайнă. Кăçал çак самантранпа 90 çул çитрӗ. Эпир ун çемйи пирки халиччен нимӗн те пӗлмен. Анне яланах аппăшне аса илетчӗ, тунсăхласа хуйхăратчӗ. Ун пирки пӗр хыпар та пӗлеймесӗрех çӗре кӗчӗ, мăнтарăн. Эпӗ йăх тымарӗсене шыраса тупас тӗллевпе «Жди меня» телепередачăна та, «Маяк» радиона та çыртăм – хурав пулмарӗ. Интернетра та шырарăм – кăлăхах. Унтан хамăр йăх историне çырнă Федор Антонович Михейкин темле майпа информаци тупса Полинăн хӗрӗ Людмила Раççейри паллă журналиста Анатолий Грачева качча тухни пирки çырнине аса илтӗм. А.Грачев пирки хыпар шырарăм. Пӗр статья вуларăм ун пирки, анчах та нихăçан та курман çын те çавах, те вăл мар тесе вӗçне-хӗрне тупаймарăм. Ним тăвайман енне «Сувар» хаçат редакцине шăнкăравларăм.
03 октября 2020
Чăвашсиреньелсен вăхăт машини те пур-и элле?

Çыннисем хальхи пулсан та, пурнăçӗ 100 çул каяллиех.
22 августа 2020
Халь Беловкăра Беловсем çук

Беловка ялӗ пиркиех каласан, чăннипех те, Белов пуçарса янипе вăл никӗсленме пуçланнă. Хăй пуçарса янă ялта нумаях пурăнман, ăçта-тăр урăх тӗле куçса кайнă тет. Çавăнпах ялӗнче пӗр Белов та пурăнмасть, масарӗнче те çак хушаматпа никам та çук. Иван Беловăн ячӗ ăçтан килнӗ-ши, мӗншӗн унăн вырăсла ячӗ те, хушамачӗ те? Чухлатăр пулӗ, Беловсен йăх-ăрăвӗ шурă тӗспе çыхăннă, православи тӗнне илнӗ чух, чăвашсене хушаматпа çырнă чухне çавăн пиркиех Белов тесе çырнă пуль. Акă, сăмахран, Кудряшов йăхӗ кăтра çӳçрен (кудрявый), Краснов – хӗрлӗ сăнран (пичӗ хӗрлӗ тӗслӗ е çӳçӗ йăм хӗрлӗ), Черновсене, Рыжевсене, паллах, таçтан палламалла...
28 мая 2020
Минтимер Шаймиев: "Раҫҫей халӑхӗ пӗрле пулнипе мӗн пур тӗрӗслев витӗр тухайрӗ"

Тутарстанӑн Патшалӑх канашҫи республикӑра пурӑнакансене ТАССР 100 ҫул тултарнӑ ятпа саламланӑ
10 мая 2020
Сывă пулса вăрçăран таврăнайсан маттур хӗре качча илме ӗмӗтленнӗ Тудияр

1942 çулхи раштав уйăхӗнче Минзифана та тантăшӗпе Савнеби Илюхинăпа пӗрле Хӗрлӗ çара илеççӗ. Пӗкӗлме станцийӗнчен 11 кун кайсан, Горький хулинче çар курсӗсенче вӗренет çамрăк хӗр. Унтан Минзифа тинтерех йӗркеленнӗ 1877-мӗш полкри зенитлă батарейăн разведчикӗ пулса тăрать. Виçӗ хӗр талăкӗ-талăкӗпе постра сенкер тӳпене сăнаççӗ. Атăсем типсе ӗлкӗрейменнипе урисем шăнаççӗ, карабин сивӗ, алса алăсене ăшăтмасть...
03 февраля 2020
Ҫӗрҫуллӑха халалланӑ конкурсра чӑваш кандидатури те пур

Республика авиапромӗшӗн Пётр Дементьев чухлӗ тунӑ ҫын урӑх ҫук-тӑр. Эпир сире ҫак ҫыншӑн сасӑлама ыйтатпӑр 100.tatarstan.ru
24 января 2020
Аксу районне халалланă

Анат Камăра январӗн 16-мӗшӗнче Г.Тукай ячӗллӗ тӗп библиотекăра ТАССР йӗркеленнӗренпе 100 çул çитнине халалланă мероприятире «Аксу районӗпе паллашатпăр» презентаци хатӗрленӗ.
24 января 2020
Юр пӗрчи те чăрмав иккен

Тутар АССРӗ тата Чăваш автономи облаçӗ йӗркеленнӗренпе 100 çул çитнине халалласа январӗн 22-мӗшӗнче Хусанти Туслăх Çуртӗнче Чăваш культурин кунӗсем пуçланчӗç. Ăна уçма Шупашкартан никам та килмерӗ. Маларах шантарнă культура министрӗн çумне Е.Черновăна юр çуни хăратнă.
07 октября 2019
УПĂШКА АЧА НАЛУКӖ ТӲЛЕНИ ТЕ ПУЛНĂ

Çак сăмахсем хыççăн вуннăмӗш теçеткепе пыракан кинеми ура çине тăчӗ те хăй тахçантанах кăмăллакан «Юратса паян ӗçлерӗм эп колхозăн хирӗнче» юрра шăрантарса пачӗ
22 августа 2019
Юманкка тете вырма паттӑрӗ пулнӑ

Вунă çул тыр-пул пухать вăл тăван ялăн уй-хирӗнче, Бауман ячӗллӗ колхозра. 1983 çулта вара районти комбайнерсен ăмăртăвӗнче мала тухать