Авраамран аслă халăх тухассине пӗлтернӗ
Паян эпир, православи тӗнӗпе пурăнакансем, чи пысăк праçнике кӗтсе илетпӗр – Аслă Мăнкуна. Кăçал вăл апрелӗн 20-мӗшӗ тӗлне килчӗ. Типӗ тытакансемшӗн эрне пушшех яваплă иртрӗ. Эрнери кашни кун Иисус Христосăн çӗр çинчи юлашки тарăн хурлăхпа тулнă кунӗсемпе çыхăннă. Чиркӳри кӗлӗсем уйрăмах мăнаçлă та аслă иртеççӗ, вăхăчӗпе те вăрăмрах вӗсем. Литургисенче Евангелин мӗнпур тăватă кӗнекине те вулаççӗ.
