Ыран Элкел районӗнчи Сиктӗрмере иртекен Уявра хăна шучӗ рекордлă пуласса кӗтеççӗ
«Пӗлтӗр Уява курма 15 пин ытла çын килчӗ, кăçал хăна шучӗ рекордлă пуласса кӗтетпӗр», – терӗ ТР культура министрӗн çумӗ Дамир Натфуллин «Татар-информ» информаци агентствинче иртнӗ пресс-конференцире. Унсăр пуçне журналистсемпе тӗлпулăва Чăваш наципе культура автономийӗн, Уявăн йӗркелӳ комитечӗн пайташӗ, Тутарстанри Чăваш хӗрарăмӗсен союзӗн председателӗ Сильвия Чаркина хутшăнчӗ.
