News by tag - юбилей

05 января 2022
Андрей Владимирович ОХОТНИКОВА 50 çул тултарнă ятпа тăванӗсем саламлаççӗ

Хаклă та юратнă мăшăра, аттене, ывăла, шăллăма, пиччене, Аксу районӗнчи Кивӗ Ӳсел ялӗнче пурăнакан Андрей Владимирович ОХОТНИКОВА январӗн 5-мӗшӗнче 50 çул тултарнă ятпа чун-чӗререн саламлатпăр!
19 декабря 2021
Аттесӗр çуралнă йăмăк

Декабрӗн 18-мӗшӗнче манăн аттесӗр çуралнă йăмăк Зоя Александровна Федорова 80 çул тултарать. 1941 çулхи октябрь уйăхӗнче пирӗн аттене вăрçа илсе кайнă. Ун чух Зоя çуралман пулнă-ха. Çав çулах, декабрь уйăхӗнче, пирӗн кӗçӗн йăмăк Зоя çуралнă. Çуралнă кăна – атте вилни пирки хут килнӗ. Çапла вара йăмăкăмăр та аттене курман, атте те ăна курман. Анне пилӗк ачапа тăлăха тăрса юлнă. Эпир ун чух пӗчӗккӗ пулнă, нимӗн те ăнланман.
18 декабря 2021
Чăнлă районӗнче чăвашла тухса тăнă хаçатра 30 çул ӗçленӗ Элшел хӗрӗ 65 çул тултарчӗ

Çак тӗлӗнмелле илемлӗ, ăшă чунлă хӗрарăм нумай çул «Чăнлă хыпарӗ» (Цильнинский вестник) район хаçатӗнче вăй хунă. Паян хисеплӗ ӗçтешӗмӗр тивӗçлӗ канура. Елена Кузьмина нумаях пулмасть 65 çул тултарчӗ. Сăпайлă, кăмăллă журналист-ветеранăн пурнăç çулӗ кулленхи ӗçпе, ӗмӗт-тӗллевпе тулли. Ялтан тухнă пӗр çулалли пин-пин тантăшӗнни пекех – мал курăмлă, ӗмӗтлӗ.
11 июля 2021
Волостновсем: савнă çынпа юнашар ӳплере те çăтмахри пекех

1974 çулхине салтакран Виктор таврăнать. Ăмсанмалли качча тӳрех клуб заведующине лартаççӗ. – Надюша Çӗнӗ çул чăрăшне капăрлататчӗ. Эпӗ пытăм та: «Качча каймарăн-и-ха?» – тесе ыйтрăм. Вăл вара тенкел çинчен сиксе анчӗ те: «Çук, сана кӗтрӗм», – терӗ ахăлтатса. Пӗр класра вӗреннӗ хӗре нумай каччă кăмăллатчӗ, çавăнпа вăл çапла хуравласса пӗрре те кӗтменччӗ, – кăмăла уçать Виктор Пантелеевич. – Авалхи йăлапа, Çӗнӗ çул праçникӗсем иртнӗ хыççăнах хамăн Надюшана вăрласа каяс терӗм. Енчен те хӗр каччă килӗнче юлма хирӗç пулсан, ашшӗ-амăшӗ патне тӳрех таврăнма пултарать, енчен те каччи килӗшет-тӗк, тепӗр кунах хӗр килне хăтана яраççӗ. Савнийӗм манпах юлчӗ. Çав тери савăннипе пӗтӗм тӗнчене парнелес килчӗ, анчах ун чухлӗ пуянлăхăм çукчӗ.
25 июня 2021
Беловка ялӗн 100 çулхи юбилейне яла пуçласа янă Иван Беловăн кӗçӗн мăнукӗ те килнӗччӗ

Июнӗн 19-мӗшӗнче Аксу районӗнчи Беловка çыннисем юратнă тăван ялӗ 100 çул тултарнине паллă турӗç. Халăх таçтан та пухăннă ӗмӗрхи юбилее. Пӗр уявра темиçе пӗлтерӗшлӗ пулăма палăртрӗç иртнӗ шăсаткун. Мероприяти Аслă вăрçă пуçланнăранпа 80 çул çитнине халалланă митинг-реквиемран пуçланчӗ. Ăна Беловка ял библиотекин ӗçченӗ Евгения Кожеманова ертсе пычӗ. Тăван çӗршыва хӳтӗлесе фронтра пуçне хунисен ячӗпе тунă çӗнӗ палăка уçмалли чыса Аксу районӗн пуçлăхӗ Камиль Гилманов тата ял старости Сергей Уланов тивӗçрӗç. Пухăннисем вăрçăра пуç хунисене пӗр минут шăп тăрса асăнчӗç, вырăнти пуçламăш шкул ачисем çӗнтерӳçӗ-салтаксен палăкӗ умне чӗрӗ чечексем хучӗç, сăвăсем каларӗç. Район пуçлăхӗ К.К.Гилманов сăмах каларӗ.
30 мая 2021
Çӗпрел районӗн хаçачӗ 90 çулта

Çӗпрел район хаçачӗ «Туган як» («Тăван ен») май уйăхӗн 1-мӗшӗнче 90 çул тултарчӗ. Юбилей умӗн пӗр кун маларах, апрелӗн 30-мӗшӗнче, унăн 9425-мӗш номерӗ пичетленсе тухрӗ. Пӗрре сиктермесӗр 90 çул тухакан хаçатăн страницисенче район пурнăçӗ урлă çӗршыв историйӗ сăнланнă: коллективизаци, Тăван çӗршывăн Аслă вăрçи, вăрçă хыççăнхи çулсем, перестройка, цифровизаци... «Коммунар» ятпа тухма пуçланăскер, каярах ятне тата икӗ хут та улăштарнă: 1967—1997 çулсенче «Çӗнӗ çул», 1998 çултанпа «Тăван ен».
17 апреля 2021
Паян Валери Туркайăн юбилей

Чăваш халăх поэчӗ, Чăваш Республикин культурăн тава тивӗçлӗ ӗçченӗ, Çеçпӗл Мишши, И.Яковлев, Ф.Карим ячӗллӗ премисен лауреачӗ, Украинăри Чернигов облаçне кӗрекен Остер хулин хисеплӗ гражданинӗ, Тутарстан Республикин культурăн тава тивӗçлӗ ӗçченӗ, СССР Писательсен союзӗн пайташӗ Валери Туркай паян, апрелӗн 17-мӗшӗнче, 60 çул тултарать.
20 марта 2021
Саврăшпуçӗнче пурăнакан талантлă композитор Владимир Егоров 60 çул тултарчӗ

– А.Г.Николаев – манăн хăта. Манăн Сергей тете Андриян Григорьевичăн йăмăкӗн Зинаида Григорьевнăн Анжела хӗрне качча илнӗ. Вӗсен туйне 1985 çулхи сентябрьте Саврăшпуçӗнче турăмăр. Шуршăлтан хăна нумай килнӗччӗ туя. Шел, Андриян Григорьевич хăй килеймерӗ, депутат та пулнă май васкавлă ӗçӗсем сиксе тухнă. Эпӗ хам космонавт хăтапа темиçе хутчен те курса калаçнă. Юлашки хут 2003 çулта Мускавра иртнӗ Пӗтӗм чăвашсен Акатуйӗнче чылайччен сăмахланăччӗ унпа. Сăмах май, Сергей тетепе Анжела инке виçӗ ывăл çуратса ӳстерчӗç, – каласа парать Владимир Егоров.
17 января 2021
Маскăллă юбилей

2020 çул пуриншӗн те питӗ йывăр пулчӗ – пӗтӗм тӗнчипех алхасакан хăрушă вирус пире сыхлануллăрах пулма вӗрентрӗ. Палăртнă мероприятисене те пурне те ирттерме май килмерӗ пӗлтӗр. Çапах та çулталăк вӗçӗ пирӗншӗн юбилейпе асра юлчӗ – Аксу районӗнчи Сергеевский ялӗнчи клуб уçăлнăранпа 25 çул çитрӗ. Юбилейлă уява маска режимне çирӗп пăхăнса декабрӗн 25-мӗшӗнче ирттертӗмӗр
16 мая 2019
Пурăн-ха, пурăн, Николай Трофимович!

Тăхăрьял сăвăçи Николай Трофимович Зимин 80 çул тултарчӗ. Пăвасем юбиляра ăшшăн саламларӗç.
02 октября 2018
Юбилейпе, Хурăнвар!

Совет Союзӗн Геройӗ Петр Сергеевич Юхвитов çуралнăранпа – 100, «Звезда» ял хутлăхӗ йӗркеленнӗренпе – 100 тата шкул уçăлнăранпа 120 çул çитрӗ.
20 сентября 2018
Хурăнвар шкулне 120 çул!

Октябрӗн 1-мӗшӗнче Çӗпрел районӗнчи Хурăнвар Шăхалӗнче пысăк уяв.
09 сентября 2018
Чăвашсем Л.Толстойпа çыхăну тытнă

XIX ӗмӗр вӗçӗнче чăвашсен пултарулăх анинче вăй хуракан интеллигенцийӗ те Лев Толстойпа çыхăну тытнă.