Сувар

Хăш районта COVID-19 ӳсет?

Республикăра обществăлла транспортсенче, лавккасенче, обществăлла апатлану вырăнӗсенче тӗрӗслевсем пуçланнă.

Республикăри коронавирус лару-тăрăвӗ хальлӗхе лăпкă, анчах чирлекенсен шучӗ нумаях мар пулсан та, куллен ӳсет. Ӗнер чире тепӗр 27 çынра тупнине пӗлтернӗ Роспотребнадзорăн Тутарстанри управленийӗн ертӳçи Марина Патяшина Правительство Çуртӗнче иртнӗ черетлӗ ларура. Ларăва ТР Президенчӗ Р.Минниханов, республикăн ытти ертӳçисем хутшăннă. Республикăра август уйăхӗнче 899 çын коронавирус инфекцине çаклатнă пулсан, сентябрьте – 721. Пандеми пуçланнăранпа унпа пӗтӗмпе 7311 çын чирленӗ. Районсен хушшинче Апас, Пӗтреç, Пăва тăрăхӗнче чирлекенсен шучӗ ӳснӗ. Чире сарăлма парас мар тӗллевпе республикăри обществăлла транспортсенче, лавккасенче, обществăлла апатлану вырăнӗсенче профилактика мерисене  мӗнле пăхăннине тӗрӗслеме пуçланă. ТР Президенчӗ Роспотребнадзор требованийӗсене пурне те çирӗп пăхăнма хушнă. Çавăнпа, туссем, маскăсемсӗр килтен ан тухăр, ку чăн малтан пуçлăхсемпе полици ӗçченӗсене мар, хамăра кирлӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: