Ăшă машинара ларма кăмăллăрах

Паян республика территорийӗнче вăйлă тăвăл пулмалли пирки асăрхаттараççӗ синоптиксем. Каç еннелле çил кăнтăр-хӗвеланăç енчен çекунтра 18 метр хăвăртлăхпа вӗрӗ, çулсем çинче пăрлак пулма пултарать. 
Раççей МЧСӗн Тутарстанри Патшалăх Управленийӗнчен асăрхаттарнă тăрăх, вăйлă çил-тăвăл вăхăтӗнче аслă çулсемпе тата шоссессемпе кăна çӳреме хăрушă мар. Енчен те машинăран тухма тивет пулсан, унран инçе каймалла мар. Транспорт хатӗрне чариччен тревога сигналне памалла – татăклăн темиçе хут пиплеттерсе. 
Кун пек çанталăкра инçе çула тухма хатӗрленекен водитетльсен хăйсен автомобилӗн шанчăклăхне тӗрӗслемелле: теплоизоляци, аккумулятор, двигатель, антифриз. Бака ытларах бензин ямалла. Мӗншӗн тесен, çул çинче ыттисен айăпӗпе транспорт хатӗрӗсен капланăвӗ йӗркеленнипе вăраха чарăнса тăма тивет пулсан та, ăшă машинара ларма кăмăллăрах.