News by date 1 July 2025
-
Çерем пăсса вир акрăм...
Республика Уявӗн шайӗнче чăваш çамрăкӗсен «Аталан» фестивалӗ кăçал та иртрӗ. Шучӗпе хальхи виççӗмӗш. Тутарстанăн тӗрлӗ районӗсемпе хулисенчен тата Самарпа Ульяновск облаçӗсенчен 12 – 25 çулсенчи 80 çамрăк хутшăнчӗ.
-
Тутарстанра Çемье эрни пуçланчӗ
Июлӗн 1-мӗшӗнчен пуçласа 8-мӗшӗччен республикăра «Тутарстан – телейлӗ çемьесен территорийӗ» слоганпа Çемье, юратупа шанчăклăх кунне халалланă Çемье эрни иртет. Эрне хушшинче республикăри парксемпе музейсенче, библиотекăсемпе культура çурчӗсенче 600 ытла мероприяти пулать. Вӗсен хушшинче урам концерчӗсем, викторинăсем, мастер-классем, куравсем, кино кăтартăвӗсем. ЗАГСсенчи уявсемпе мăшăрланусене пысăк тимлӗх уйăрнине «Татар-информ» агенствăра иртнӗ пресс-конференцире ЗАГС управленийӗн пуçлăхӗ Эльвира Ахметова пӗлтерчӗ.
-
Чăваш ятне ан ярăр
Çуллахи каникул вăхăтӗнче Ленинград хулине кайса курма май пурри çинчен пӗлсен тӗлӗнтӗм те, савăнтăм та, салхуллантăм та. Ленинград Мускавран та инçерех. Кам та пулин кайса куратех! Эпӗ ăна телевизорпа кăтартакан киносенче курнă-ха, открытка пуххи пур тата манăн. Çавсемпех çырлахмалла пулать ӗнтӗ. Ара, каникул пуçланичченех колхоз хирне çумран тасатма тухмалла та, путёвки те йӳнӗ мар ӗнтӗ. Пӗрех çак хыпара аннене пӗлтертӗм. Эльвирăпа Алинăна путёвка илсе панине те сиктерсе хăвармарăм.
-
Кăçалхи Уявра çемье чăмăртанчӗ
Республика уявӗнче кăçал пӗрремӗш хут мӑшӑрлану церемонийӗ иртрӗ. Мероприятие ТР Раисӗ Рустам Минниханов ырланă «Этносвадьба: национальный колорит» проект шайӗнче ирттерчӗç. Районти Сабантуйра нурлатсем тутар туйӗ ирттернӗ пулсан, Уявра пӗрремӗш хут чăваш туйӗ пулчӗ.