News by date 5 August 2025
-
Андрей Годунова халалланă турнир
Августăн 2-мӗшӗнче, Сывлăш десант çарӗсен кунӗнче, Çӗнӗ Йӗлмелӗнче спорт мероприятийӗ – тӗрӗсрех каласан, ятарлă çар операцийӗнче пуç хунă ентешӗмӗре Андрей Годунова халалланă мини-футбол турнирӗ – иртрӗ. Виççӗмӗш хут йӗркеленӗ спорт ăмăртăвне Çӗпрел районӗнчен кăна мар, Ульяновск облаçӗнчен килнӗ командăсем те хутшăнчӗç.
-
Чăваш поэчӗсем куçару конкурсӗн дипломӗсене тивӗçрӗç
Пӗтӗм тӗнчери çамрăксен поэзи тата поэзи куçарăвӗсен Л.Ю. Север ячӗллӗ «Туслăх çыранӗсем» конкурс фестиваль Ростов облаçӗнче çеç мар, Раççейри ытти регионсенче тата ют çӗршывсенче те палăрчӗ. Сăвăçсем тӗрлӗ чӗлхепе çыракан поэтсен сăввисене хăйсен чӗлхине е вырăсла куçараççӗ. Конкурс фестиваль 2012 çултанпа иртет, ăна Ростов облаçӗнчи Неклиново районӗнчи белоруссен наципе культура автономийӗ çав тăрăхра çуралса ӳснӗ Леонид Север поэта халалланă. Конкурсăн тӗп тӗллевӗ – наци чӗлхисене, наципе культура пурлăхне, Раççей, çывăхри ют çӗршыв чӗлхисене упраса хăварасси, куçару урлă поэтсене наци чӗлхисене вӗренме хавхалантарасси.
-
Диспансеризаци куç патологийӗсене тупса палӑртма пулăшать
Тутарстанра çуллен 400 пин çыннăн куç чирне тупаççӗ, вӗсенчен 150 пинӗ ача-пăчасен хушшинче. Офтальмолог патне уйрăмах çывăххăн курассипе (близорукость), инçӗше курассипе (дальнозоркость), глаукомăпа, катарактăпа аптракансем каяççӗ.
-
Сергей Гудожников вут-çулăм айӗнче салтаксене çăлнă, амансан кӗнеке çырнă
Санкт-Петербургри Артиллери, инженери тата çыхăну çарӗсен çарпа истори музейӗнче «Сердце добровольца» кӗнекен хăтлавӗ иртрӗ. Сергей Гудожников – профессиллӗ кардиохирург, СВО пуçланиччен Югра (Ханты-Манси автономи округӗ), Мускав тата Мускав облаçӗн клиникисенче ӗçленӗ. 2022 çулхи август уйăхӗнчен Первомайск, Луганск тата Лисичанск хулисенчи госпитальсенче çар хирургӗн тивӗçӗсене пурнăçланă. 2023 çулта хăйсен ирӗкӗпе хутшăнакансен Александр Невский ячӗллӗ бригадин 2-мӗш штурм батальонӗн медицина службин пуçлăхӗ вырăнне йышăннă. Вăл Соледарпа Артемовск енче службăра тăнă.