News by date 6 October 2024
-
Апачӗ тутлă пултăр!
Кавăн яшки пӗçерер тата хӗллехи сивӗ кунсенче чей ӗçме варени хатӗрлер.
-
Эх, тутлă та йăвачи!
Аксу районӗнчи «Нежность» комплекслă социаллă тивӗçтерӳ центрӗн инклюзи кухнинче чăн-чăн кулинари экспедицийӗнче пултăмăр! Районти Чăваш наципе культура центрӗн ертӳçипе Роза Николаевна Чентаевăпа пӗрле чăваш кухнин тӗнчинче пулса йăвачă пӗçерме вӗрентӗмӗр.
-
Кам-ха вăл ачаш ача?
Хӗлле валли çуллах хатӗрленме хушнă ваттисем. Марина Карягинан çӗнӗ кӗнеки шăп çапла пулса тухрӗ те. Хуплашки çине пăхăр-ха: хӗллехи илемлӗ куна сăнласа панă ӳнерçӗ. Ăна курсан тӳрех çунашкапа ярăнма каяс килет, çапла мар-и? Кăларăм çак кунсенче Чăваш кӗнеке издательствинче кун çути курчӗ. Редакторӗ – Ольга Федорова, ӳнерçи – Наталия Андреева.
-
«Варкăш хăни» — Елена Аксупи çыравçă
Авăн уйăхӗн 24-мӗшӗнче Чăваш Республикин Наци вулавăшӗнче çуллахи каникул хыççăн «Варкăш» литература клубӗ ӗçе малалла тăсрӗ. Хальхинче варкăшçăсем Елена Аксупин «Пилеш куççулӗ» кӗнекине сӳтсе яврӗç. Кăларăм кăçал Чăваш кӗнеке издательствинче кун çути курнă, унта калавсем кӗнӗ.