News by date 10 May 2020
-
Александр АЙДАРОВ: «АННЕ ЧӖЛХИПЕ КАЛАÇМАННИ ТЕЛЕЙЛӖРЕХ ТĂВАЙМАСТЬ»
Чăваш чӗлхине шкулсенче вӗрентес ыйтăва ашшӗ-амăшӗсене татса пама ирӗк панăранпа савăнмалли сахал пирӗн. «Хама чăвашла пӗлни кирлӗ пулмарӗ, ман ачам ан вӗрентӗр», – текен аннесем нумайланса кайрӗç. Пирӗн паянхи хăнан вара кун пирки урăх шухăш.
-
Сывă пулса вăрçăран таврăнайсан маттур хӗре качча илме ӗмӗтленнӗ Тудияр
1942 çулхи раштав уйăхӗнче Минзифана та тантăшӗпе Савнеби Илюхинăпа пӗрле Хӗрлӗ çара илеççӗ. Пӗкӗлме станцийӗнчен 11 кун кайсан, Горький хулинче çар курсӗсенче вӗренет çамрăк хӗр. Унтан Минзифа тинтерех йӗркеленнӗ 1877-мӗш полкри зенитлă батарейăн разведчикӗ пулса тăрать. Виçӗ хӗр талăкӗ-талăкӗпе постра сенкер тӳпене сăнаççӗ. Атăсем типсе ӗлкӗрейменнипе урисем шăнаççӗ, карабин сивӗ, алса алăсене ăшăтмасть...
-
Майăн 12-мӗшӗнчен ача сачӗсем ӗçлеме пуçлаççӗ. Тӗрӗс йышăну-ши ку?
Ачасене майăн 12-мӗшӗнчен садике справкăпа йышăнаççӗ. Анчах мӗнле справка вăл? Ăна еплерех майпа илмеллине вуласан шухăша каятăн: справкăна поликлиникăран телефонпа шăнкăравласа илмелле! Врач ачана куçăн курмасăрах ашшӗ-амăшӗн сăмахӗсене тӗпе хурса садике кайма справка парать. Мӗнле япала ку? Коронавируспа чирлекенсен хушшинче симптомсăр чирлекенсем нумаййине шута илсен – хăрушă. Шăпăрлансене кунӗпе маскăпа çӳреттерейместӗн, пӗр-пӗринчен 1 метр çурă дистанци тытас правилăна пăхăнма та ăнлантарса çитерейместӗн пуль. Ача садне çӳрекенсем пӗрле выляма юратаççӗ-çке...
-
Паянхи кун тӗлне тата 85 çын коронавируспа чирленӗ
Паянхи кун тӗлне Тутарстанра тата 85 çын коронавируспа чирленӗ, тесе пӗлтерет республикăри коронавирус енӗпе ӗçлекен оперативлă штаб. Çак шутран 4-шӗ – урăх çӗртен ертсе килни, 81-шӗ чирлӗ çынсемпе хутшăнсан ерни. 38 çынна больницăна вырттарнă, 47-шӗ килте сипленет.
-
Çамрăксем аптрамаççӗ, ветерана саламлама май тупаççӗ
Хусанта пурăнакан Рустам Хабибуллин ветерана çамрăксем вăл пурăнакан çурт картишне килсе саламларӗç. «Таврида» арт-кластер пайташӗсем хисеплӗ ветерана концерт номерӗсемпе çеç мар, URAM юхăмăн çамрăк ӳнерçисем хатӗрленӗ открытка парса та савăнтарчӗç.
-
Олег Николаев та юрă марафонне хутшăннă
Вӗсем те пирӗн пек çынсемех