News by date 12 November 2022

• 12 ноября 2022

  Документсене ярса пама пулăшакан электронлă сервис хута кайнă

  РФ Цифра аталанăвӗн министерстви Патшалăх услугисен мобильлӗ приложенийӗнче çӗнӗ «Поделиться документом» электронлă сервиса хута янă. Вăл пулăшнипе документсен даннăйӗсене хамăра е ытти çынсене смс-сообщени, электронлă почта, мессенджерсем, заметкăсем урлă ярса пама пулать. Кун валли «Личные документы» пайри çак документсен реквизичӗсене илме пулать:

  
• 12 ноября 2022

  Иннополисра экономикăн приоритетлă отраслӗсене цифрăна куçарасси пирки форум иртет

  Ноябрӗн 24–26-мӗшсенче Иннополисра DID 2022 экономикăн приоритетлă отраслӗсене цифрăна куçарасси пирки форум иртет. Шутпа ку иккӗмӗш форум, пӗрремӗш 2021 çулта вӗрентӳре, бизнесра тата патшалăх управленийӗнче цифра трансформацине ирттересси пирки декабрӗн 2 – 4-мӗшсенче иртнӗччӗ. Digital Innopolis Days (DID) ун чухне Иннополиса Раççейрен, Францирен, АПШран, Сингапуртан, Германирен, Великобританирен тата ытти çӗршывсенчен 3158 çын килнӗччӗ, цифра трансформацийӗн опычӗпе 250 спикер паллаштарчӗ пухăннисене.

  
• 12 ноября 2022

  Хусанти ветеринари академийӗн доценчӗ Геннадий Пахомов Раççей чемпионатӗнче çӗнтернӗ

  Çăмăл атлетика ветеранӗсен юхăмне 30 çул çитнине халалласа сентябрӗн 23 – 25-мӗшӗсенче Анапăра иртнӗ Раççей чемпионатӗнче пъедесталăн чи çӳллӗ картлашкисене чăвашсем йышăнчӗç. Хусанти ветеринари академийӗн доценчӗ, студентсене нумай çул терапи курсне вӗрентнӗ ентешӗмӗр, Пăва районӗнчи Пӳркел ялӗнче çуралса ӳснӗ Геннадий Авксентьевич Пахомов 10 километра хăвăрт утса – I, 5 километр дистанцире II вырăнсене йышăннă. Çăмăл атлетика ветеранӗ пӗрремӗш дистанцие 1 сехет те 06 минутра, иккӗмӗшне 31 минут та 40 çеккунтра утса тухнă. 74-ри спортсменшăн япăх кăтарту мар ку, уйрăмах чемпионата 76 регион хутшăннине шута илсен. Çăмăл атлетикăн хăвăрт утас тӗсӗпе ентешӗмӗр 1968 çултанпах туслă. Куншăн пӗрремӗш тренерӗ Хашим Шагинурович Ахметшин «айăплă» иккен. Хăвăрт утассин кăткăс техникине шăпах вăл вӗрентнӗ. Ентешӗмӗр темиçе çул ӗнтӗ Тутарстан сборнăйӗн йышӗнче. Асăннă чемпионат та пирвайхи мар, пӗтӗмпе 23–25 спорт мероприятине хутшăнса пъедестал çине миçе хут хăпарман-ши? Тульккăш медальсен шутне хисеплес йăла çук унăн: «Мухтанма юратмастăп», – терӗ хальхинче те кӗскен кун пирки.

  
• 12 ноября 2022

  Мобилизациленнисен çемйисене пур енлӗ тӗрев пама тăрăшаççӗ

  Республикăра мобилизациленнисен çемйисене пур енлӗ тӗрев пама тăрăшаççӗ. Пособисемсӗр пуçне кредит каникулӗ, налог çăмăллăхӗсем параççӗ, тара илнӗ çӗршӗн тӳлессинчен хăтараççӗ. Паяна Тутарстанра пӗтӗмпе 620 миллион тенкӗлӗх кредит парăмне вăхăтлăха чарса хунă. Урăхла каласан, мобилизаципе ятарлă çар операцине хутшăннă çыннăн кредит парăмӗ пур пулсан ăна вăл хăй таврăниччен те тӳлемест. Таврăнсан та уйăхран тин тӳлевсене хупса пыма тытăнать. Кун пирки ноябрӗн 1-мӗшӗнче ТР Правительство Çуртӗнче иртнӗ брифингра каласа пачӗç. ТР экономика министрӗ Мидхат Шагиахметов палăртнă тăрăх, хăш-пӗр çыннăн харăсах темиçе кредит пур. Вӗсене пурне те мобилизациленнӗ çын килне таврăниччен «шăнтса» хураççӗ. «Мӗн чухлӗ çын заявка пани РФ Оборона министерствипе Федераллă налог служби пӗр-пӗринпе информаципе ылмашăнма тытăннă хыççăн паллă пулать», – терӗ экономика министрӗ.