Документсене ярса пама пулăшакан электронлă сервис хута кайнă
РФ Цифра аталанăвӗн министерстви Патшалăх услугисен мобильлӗ приложенийӗнче çӗнӗ «Поделиться документом» электронлă сервиса хута янă. Вăл пулăшнипе документсен даннăйӗсене хамăра е ытти çынсене смс-сообщени, электронлă почта, мессенджерсем, заметкăсем урлă ярса пама пулать. Кун валли «Личные документы» пайри çак документсен реквизичӗсене илме пулать:
– РФ паспорчӗ.
– СНИЛС.
– ИНН.
– Свидетельствăсем (çуралнă хут, ашшӗ пулнине çирӗплетни, ята улăштарни).
– Ют çӗршыв паспорчӗ.
– Çар билечӗ.
– Адрессем (яланхи е вăхăтлăх прописка, ялан пурăнакан).
Документсене ярса парас тесен:
1. «Госуслуги» мобильлӗ приложение кӗмелле.
2. «Документы» пая куçса «Личные документы» суйламалла.
3. Хăвăра кăмăла каякан меле суйламалла (паллисем сылтăмра çӳлти кӗтесре), пӗрне суйласа темӗнччен пусса тăмалла е ячейкăна куçармалла.
Документа пӗтӗмпех е пӗр пайне кăна та суйлама пулать.
Патшалăх услугисен мобильлӗ приложенийӗпе усă куракансене çӗнӗ сервис вăхăта перекетлеме пулăшнисӗр пуçне тимлӗрех пулма та хистет. Апла-тăк телефона ăçта кирлӗ унта пăрахса хăварасран сыхланмалла.
Следите за самым важным и интересным в Telegram-каналеТатмедиа
Нет комментариев