News by date 13 November 2022
-
Марье аккан ывăлӗсем тутарла та, чăвашла та пӗр пекех аван калаçаççӗ
– Ун чухне ӗç çыннине кашнине хаклатчӗç – чыслă ятсем, орден-медаль, кашни уявра тенӗ пек парне паратчӗç (утиял, простынь тата ытти те). «Çӗнӗ çул» ятлă район хаçатӗнче те яланах çырса тăратчӗç пирӗн çитӗнӳсем çинчен, Хусантан та журналистсем килкелетчӗç. Район тата колхоз пуçлăхӗсем мана Социализмла Ӗç Геройӗ ятне пама та шут тытнă иккен, çак тӗллевпе документсем хатӗрлеме пуçларӗç ӗнтӗ, мана кантура чӗнтерсе анкетăсем çыртарчӗç. Анчах 1968 çулхи февральте ман пӗрремӗш ача çуралчӗ, эп декрета кайрăм. Ун хыççăн вара ку пуçару путланчӗ, – каласа парать Мария Сергеевна.
-
Валентина Тарават ертсе пыракан ансамбль «Обломовкăри туйра» çӗнтернӗ
Ульяновскра нумай пулмасть туй йăли-йӗркисен пӗтӗм çӗршыври «Обломовкăри туй» III конкурс-фестивалӗ вӗçленнӗ. Раççей халăхӗсен культура еткерлӗхӗн çулталăкӗн шайӗнче иртнӗ конкурс-фестивалӗн финалне хутшăнма конкурсантсем çӗршывăн 8 регионӗнчен килсе çитнӗ. Çак фестивальте Чăнлăри «Шанăç» халăх ансамблӗ чăваш туйӗн пӗр сыпăкне – хӗр вăрланине – кăтартса «Халăх юррин ансамблӗсем» номинацире I степеньлӗ Диплома тивӗçсе лауреат пулса тăнă.
-
ФРОНТРАН САЛАМ!
Гуманитари пулăшăвне Костромари 331-мӗш бригадин, Ульяновскри 31-мӗш штурмпа десант бригадин десантникӗсене, Чăваш Енрен хăйсен ирӗкӗпе кайнисен «Атăл» подразделение тата ыттисем патне çитсе панă. «Пирӗн салтаксемпе мобилизаципе кайнисем пурне те хӗрӳллӗ салам каларӗç, пулăшушăн тав турӗç». –терӗ Виктор Петрович суварсемпе çыхăнса.
-
Цифра урокӗсем
ТР Президенчӗн Р.Миннихановăн Указӗпе 2022 çула Цифровизаци çулталăкӗ тесе йышăннăран республикăри кашни ӳсӗмри шкул ачи валли уйăхра пӗрре цифра урокне ирттереççӗ. Цифра урокӗсен тӗллевӗ – шкул ачисене цифра экономикин чи кирлӗ компетенцийӗсемпе паллаштарса май пур таран иртерех информаци технологийӗсен сферинче професси суйлама вӗрентесси. Вӗсем ачана хăйне çывăх гаджетсемпе усă курса çӗнӗ пӗлӳпе хăнăху илме пулăшаççӗ.
-
Хăш яла интернет кӗртессине халăх суйлать
РФ Патшалăх услугисен порталӗнче онлайн мелӗпе ноябрӗн 12-мӗшӗччен, çырупа ноябрӗн 26-мӗшӗччен сасăламалла. Хăш-хăш пӗчӗк яла пысăк хăвăртлăхлă мобильлӗ интернет кӗртессине халăх хăй суйланине пӗлтерет ТР Патшалăх управленийӗнчи цифра аталанăвӗн, информаци технологийӗсемпе çыхăну министерствин пресс-служби. Тутарстанра хальхи вăхăтра сасăлавăн иккӗмӗш тапхăрӗ пырать. Унта 100-тен пуçласа 500 çын таран пурăнакан ялсем пурте хутшăнма пултараççӗ.