Çӗр ӗçченӗсем вырмана тухрӗç
Тутарстанри 13 районта ку эрнерен вырма пуçланчӗ, чăн малтан хире Пăва, Çӗпрел, Алексеевски, Элкел, Сарман, Мӗслӗм комбайнӗсем тухрӗç. Юнкун тӗлне пирвайхи 22 пин тонна кӗрхи тырра пухса илнӗ. Пӗр гектара тивекен вăтам тухăç кăçал 35 центнер, çапла пӗлтерчӗ ТР Ял хуçалăхӗпе апат çимӗç министерствин çӗр ӗç отрасльне аталантарассипе ӗçлекен уйрăмӗн ертӳçи Ирек Садыков «Татар-информ» агентствăра журналистсемпе тӗл пулсан.
