News by date 16 September 2024

16 сентября 2024
Ĕпхӳре халăхсен наци тумӗн уявӗ иртнӗ

Сентябрĕн 13-мĕшĕнче, Пушкӑртстан Республикинчи Ĕпхӳре «Мега» суту-илӳ центрӗнче халăхсен наци тумне халалланă уяв иртнине пӗлтерет «Урал сасси» хаçат хăйӗн Телеграм-каналӗнче. Ăна ПР Культура министерствипе Халӑхсен Туслӑх Çурчӗ йĕркеленĕ. Уяв программине республикăри чăвашсем те хастар хутшӑннă.
16 сентября 2024
Çуралнă куна курав уçса паллă тăвать

Сентябрӗн 17-мӗшӗнче 16 сехетре ТР Патшалăх ӳнӗр искусствисен музейӗн хальхи вăхăтри искусствăсен галерейинче (Хусан, Карл Маркс урамӗ, 57-мӗш çурт) чăвашсен паллă ӳнерçин Виталий Петрович Петровăн ӗçӗсен куравӗ уçăлать. Праски Витти ятпа пӗлеççӗ ăна искусствăна юратакансем.
16 сентября 2024
Философи лирикин пуçаруçи

Сăвăç литература ӗçне XIX ӗмӗр вӗçӗнчех тытăннă. Вăл чăваш поэзийӗнче пейзаж, философи лирикине пуçарса янă, унăн гражданла лирика тӗслӗхӗсем те чылай. «Варуççи» поэмăра эпосла жанр уйрăмлăхӗсем те палăраççӗ. Поэма малтанхи хут 1906 çулта «Хыпар» хаçатра пичетленнӗ.
16 сентября 2024
Эрнелӗх гороскоп

Сентябрӗн 18-мӗшӗнче Меркурипе Сатурн оппозицинче. Çакна пула вӗренӳ йывăрланать, таврари çынсемпе хутшăнасси те кăткăсланать. Çула тухма, çынсемпе паллашма тăхтамалла. Сентябрӗн 19-мӗшӗнчех Хӗвелпе Уран тринӗ (тригонӗ) – планетăсем пӗр-пӗринчен 120 градусра вырнаçни – пурнăçа килӗшӳ кӳрет, эпир хамăра ирӗклӗрех туятпăр, пултарулăха уçма ăнтăлатпăр. Сентябрӗн 21-мӗшӗнче Меркурипе Юпитер квадратурине пула нумайрах калаçма тытăнатпăр. Сентябрӗн 22-мӗшӗнче Хӗвелпе Плутон тринӗ ертӳçӗсен хăватне ӳстерет.