Эрнелӗх гороскоп

ТАКА 21.III-20.IV 

Çак кунсенче сирӗнте никама парăнманлăх вăй пулӗ. Мăшăрăр вара ытти чухнехинчен ытларах хӗсӗрленӗн туйăнать. Сирӗн халь хуть мӗнле тавлашура та килӗшӳ тупма пӗлмелле. Эрнипех сывлăхăра тимлӗр. 

ВĂКĂР 21.IV-20.V 

Укçа-тенкӗпе çыхăннă ыйтусене хăвăрт татса пама тивет ку тапхăрта. Çавăнпа укçа картта çинче çеç мар, енчӗкӗрте те чăштăртаттăр. Юратнă çыннăра шансан хутшăнусем пăсăлмаççӗ. 

ЙӖКӖРЕШСЕМ 21.V-21.VI 

Çак кунсенче питӗ нумай çӗннине пӗлетӗр, анчах вӗсем халиччен никӗсленсе çирӗпленнӗ шухăш –кăмăлăртан пач уйрăлса тăраççӗ. Çавăнпах халь илтекен, вулакан хыпарсене тӗрӗс мар тесе шутлатăр. 

РАК 22.VI-22.VII 

Карьера тăвас текенсемшӗн эрне ăнăçлах мар, çавăнпа вӗсен тӗллевсене кăшт улăштармалла. Çак кунсенче илтекен хыпара ӗненме ан васкăр, уйрăмах инçетрен килекеннисене. 

АРĂСЛАН 23.VII-22.VIII 

Çак кунсенче çывăх çыннăрсенчен чи шанчăклисене суйласа илме май пулать, анчах хăшӗсемпе сывпуллашма тивет. Çемйӗрте сирӗнтен мӗн-тӗр пытарнине сисетӗр. Тен, çакна хăвăр шутласа кăларнă? 

ХӖР 23.VIII-22.IX 

Шала кайнă чирсем çивӗчленеççӗ, халиччен «пытанса» пурăннисем шала каяççӗ. Кулянмалла мар, мӗншӗн тесен шăпах çак эрнере сипленӳ ăнăçлă иртессине пӗлтереççӗ çăлтăрсем. Çемйӗрпе ытларах пулмалла, канмалла.

ТАРАСА 23.IX-23.X 

Эрне тăршшӗпе кăмăлăр самай çирӗпленет. Сирӗнте яваплăх, дисциплинăна пăхăнасси ӳсет. Анчах çывăх çыннăр сирӗнпе пулса иртекен улшăнусене тӳрех йышăнасшăн пулмасть.

СКОРПИОН 24.X-22.XI 

Укçа-тенкӗпе перекетлӗрех пулма хушаççӗ çăлтăрсем. Укçа куçарассипе, инвестицисем хывассипе васкамалла мар. Харкам хутшăнусенче йăлт аван тесе калаймăн. Эсир халь питӗ илӗртӳллӗ, юратнă çыннăр ытларах кӗвӗçме пуçлӗ.  

УХĂÇĂ 23.XI-21.XII 

Хутшăнусенче йывăрлăхсем пулаççӗ. Çак кунсенче шухăшăрсене сăмахпа калама кăткăс. Ятарласа тенӗ пек, ку эрнере сирӗн ытти чухнехинчен те нумайрах калаçма тивет те. 

ТУ КАЧАКИ 22.XII-20.I 

Çемье ыйтăвӗсене татса панă чух пит хӗрӳленмелле мар. Карьера тăвас тесе иккӗленӳллӗ çавра çулсемпе çӳреме те хушмаççӗ çăлтăрсем. Халь пурнăç опычӗ çине таянса, йăласене шута илмелли вăхăт. 

ШЫВТĂКАН 21.I-19.II 

Творчество ӗçӗпе çыхăннисене кризис аптратать. Ыттисене харкам хутшăнусем кичем, çавăнпа вӗсем пушă вăхăта ытларах юлташӗсемпе ирттерме тăрăшаççӗ. Ӗçри çӗнӗ плансемпе идейăсене пуçăнса çывăх çыннăрсемпе хутшăнусене сивӗтме пулать. 

ПУЛĂСЕМ 20.II-20.III 

Сывлăхăра ытти чухнехинчен ытларах тимлӗр. Кăшт чирлесен те тӳрех сипленмелле. Харкам хутшăнусем ку эрнере йывăрланаççӗ. Эсир юратнă çыннăра кӗвӗçме тытăнатăр. Те чăннипех айккинелле пăхать, те сăлтавне хăвăр шутласа кăларатăр.